Búgingi tańda Shymkentte shaǵyn jáne orta kásipkerliktiń negizgi kórsetkishteri boıynsha oń dınamıka bar. Shaǵyn jáne orta kásipkerlikte jumyspen qamtylǵandar sany 161,4 myń adamdy qurap, ótken jyldyń sáıkes kezeńine qaraǵanda 105,4%-ǵa artty. Shaǵyn jáne orta bıznestiń óndirgen óniminiń quny 302,2 mlrd. teńgeni qurap, jalpy óńirlik ónimdegi úlesi 29 %-dy qurady. Bul jóninde qala ákimine esep berý barysynda kásipkerlik jáne ındýstrıaldy-ınnovaııalyq damý basqarmasynyń basshysy Bereke Dúısebekov baıandady.
Ol memlekettik qoldaýdyń arqasynda kásipkerlerdiń sany aı saıyn artyp otyrǵanyn jetkizdi. Bıyl kásipkerlikti qoldaýǵa bólingen qarjy ótken jylmen salystyrǵanda 3 ese artyq.Nátıjesinde «Bıznestiń jol kartasy-2025» baǵdarlamasy sheńberinde 2 996,3 mln. teńgege 970 jobaǵa qoldaý kórsetildi.«Eńbek» nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan» memlekettik baǵdarlamasy aıasynda 552,4 mln. teńgege 39 joba qarjylandyrylǵan.
Al, «Men kásipker bolamyn» áıelder men jastar kásipkerligin damytý arnaıy is-shara josparyna sáıkes 146 mln. teńgege 16 kásipkerge nesıe berilgen, onyń ishinde 136 mln. teńgege 14 áıel kásipkerdiń, 10 mln. teńgege 2 jas kásipkerdiń jobalary qoldaý tapqan.«Qarapaıym zattar ekonomıkasy» baǵdarlamasy aıasynda 61 kásipkerge qoldaý kórsetildi. Bul jyly olardyń sanyn 100-ge jetkizý josparlanǵan. Jarty jyldyqta atqarylǵan jumystarmen tanysqan ákim negizgi ındıkatorlardyń oryndalý barysyn surady. Memlekettik baǵdarlamalardyń júzege asýy aıasynda bos jumys oryndarynyń sanyn ulǵaıtýdy tapsyrdy.
Jańa jobalar arqyly jańa jumys oryndary qurylady. Eń birinshi ózimizdiń qala turǵyndaryn jumyspen qamtý kerekpiz. Ol halyqtyń áleýmettik jaǵdaıyna áser etedi. Sonymen birge, eksport kórsetkishin arttyrý qajet. Shaǵyn jáne orta bıznesti damytý úshin halyq arasynda túsindirme jumystary keńinen júrgizilsin. Olarǵa qandaı qoldaý kórsetilip jatqanyn tanystyryp, baǵyt-baǵdar berý kerek. Bul turǵyda «Shymkent» ÁQK –men birlese otyra «Bızneske arnalǵan úkimet» front ofıstyń jumysyn jandandyryńdar, - dep tapsyrdy shahar basshysy.
