شىمكەنت قالاسىنىڭ اكىمى مۇرات ايتەنوۆ قالالىق كاسىپكەرلىك جانە يندۋستريالدى-يننوۆاتسيالىق دامۋ باسقارماسىنىڭ باسشىسىن قابىلداپ، التى ايدا اتقارعان جۇمىستارىنىڭ ەسەبىن تىڭدادى. باسقارما باسشىسى بەرەكە دۇيسەبەكوۆتىڭ سوزىنشە، بيىل 6 ايدا قالا ەكونوميكاسىنا 131,8 ملرد. تەڭگە ينۆەستيتسيا تارتىلىپ، وتكەن جىلدىڭ ءتيىستى كەزەڭىمەن سالىستىرعاندا 18,9%-عا ارتقان. 7 ايدا بۇل كورسەتكىشتى 165 ملرد. تەڭگەگە جەتكىزەمىز دەپ وتىر.
سونىمەن قاتار، 2021-2025 جىلدار جالپى قۇنى 2,6 ترلن. تەڭگەنى قۇرايتىن 282 ينۆەستيتسيالىق جوبا ىسكە اسىرىلىپ، 20 مىڭنان اسا جاڭا جۇمىس ورنىمەن قامتىلاتىن بولادى. ونىڭ ىشىندە، 2021 جىلى جالپى قۇنى 166,7 ملرد. تەڭگەنى قۇرايتىن، 2,5 مىڭ جاڭا جۇمىس ورنىمەن،68 ينۆەستيتسيالىق جوبانىڭ ىسكە اسىرىلۋى جوسپارلانعان. بۇگىندە 10,2 ملرد. تەڭگەگە 10 جوبا جۇزەگە اسىرىلعان. جالپى كاسىپكەرلىك قولداۋ كارتاسى اياسىندا بۇل جىلى 1 مىڭنان استام جۇمىس ورنىن قۇرۋمەن 21 جوبانى ىسكە قوسۋ كوزدەلگەن. قازىرگى تاڭدا ونىڭ 4 جوبا ىسكە قوسىلىپ، وندا 100-گە جۋىق جۇمىس ورىندارى قۇرىلدى.
ينۆەستيتسيانىڭ ارتۋىنا يندۋستريالىق ايماق، كولىك-لوگيستيكالىق ايماعى جانە «وڭتۇستىك» ارنايى ەكونوميكالىق ايماعى زور ۇلەسىن قوسىپ كەلەدى. بۇگىندە «وڭتۇستىك» يندۋستريالدى ايماعىندا 72 جوبا ىسكە قوسىلىپ، وندا 4,5 مىڭعا جۋىق جۇمىس ورىندارى اشىلدى جانە وعان 62,0 ملرد. تەڭگەنىڭ ينۆەستيتسياسى تارتىلدى. ال، «تاسساي» يندۋستريالدى ايماعىندا جالپى قۇنى 26,3 ملرد. تەڭگەلىك 17 جوبا ىسكە قوسىلىپ، وندا 1 مىڭعا جۋىق جۇمىس ورىندارى اشىلدى.كولىك لوگيستيكالىق ايماعىندا 32,5 ملرد.تەڭگەگە 53 جۇمىس ورنىن قۇرۋمەن 8 جوبا جۇزەگە اسىرىلۋدا. بۇگىندە 15,9 ملرد. تەڭگەگە 225 جۇمىس ورنىن قۇرۋمەن 3 جوبا جۇزەگە اسىرىلعان.
«وڭتۇستىك» ارنايى ەكونوميكالىق ايماعىندا جالپى ينۆەستيتسيا كولەمى 42,9 ملرد. تەڭگە تۇراتىن 25 جوبا ىسكە اسىرىلىپ، 2,3 مىڭعا جۋىق جۇمىس ورىندارى قۇرىلدى. جيىندى قورىتىندىلاعان قالا اكىمى شىمكەنتتى ينۆەستورلار ءۇشىن تارتىمدى قالا قىلۋ ءۇشىن بارلىق جاعدايدى جاساپ، ينۆەستيتسيالىق جوبالارعا ەرەكشە كوڭىل ءبولۋ كەرەكتىگىن ايتتى. يندۋستريالدى ايماقتارعا قولعا الىنعان جوبالارعا تۇراقتى مونيتورينگ جۇمىستارىن جۇرگىزىپ، ماسەلەلەرىن شەشۋدە مەملەكەتتىك قولداۋلار كورسەتىلۋىن تاپسىردى. اپتا سايىن وتكىزىلەتىن ينۆەستشتابتا بەرىلگەن تاپسىرمالاردىڭ ورىندالۋىن قاتاڭ باقىلاپ وتىراتىنىن جەتكىزدى.
