Şymkentte investisiialyq jobalarǧa erekşe köŋıl bölınıp otyr

Şymkent qalasynyŋ äkımı Mūrat Äitenov qalalyq käsıpkerlık jäne industrialdy-innovasiialyq damu basqarmasynyŋ basşysyn qabyldap, alty aida atqarǧan jūmystarynyŋ esebın tyŋdady. Basqarma basşysy Bereke Düisebekovtıŋ sözınşe, biyl 6 aida qala ekonomikasyna 131,8 mlrd. teŋge investisiia tartylyp, ötken jyldyŋ tiıstı kezeŋımen salystyrǧanda 18,9%-ǧa artqan. 7 aida būl körsetkıştı 165 mlrd. teŋgege jetkızemız dep otyr. Sonymen qatar, 2021-2025 jyldar jalpy qūny 2,6 trln. teŋgenı qūraityn 282 investisiialyq joba ıske asyrylyp, 20 myŋnan asa jaŋa jūmys ornymen qamtylatyn bolady. Onyŋ ışınde, 2021 jyly jalpy qūny 166,7 mlrd. teŋgenı qūraityn, 2,5 myŋ jaŋa jūmys ornymen,68 investisiialyq jobanyŋ ıske asyryluy josparlanǧan. Bügınde 10,2 mlrd. teŋgege 10 joba jüzege asyrylǧan. Jalpy käsıpkerlık qoldau kartasy aiasynda būl jyly 1 myŋnan astam jūmys ornyn qūrumen 21 jobany ıske qosu közdelgen. Qazırgı taŋda onyŋ 4 joba ıske qosylyp, onda 100-ge juyq jūmys oryndary qūryldy. İnvestisiianyŋ artuyna industriialyq aimaq, kölık-logistikalyq aimaǧy jäne «Oŋtüstık» arnaiy ekonomikalyq aimaǧy zor ülesın qosyp keledı. Bügınde «Oŋtüstık» industrialdy aimaǧynda 72 joba ıske qosylyp, onda 4,5 myŋǧa juyq jūmys oryndary aşyldy jäne oǧan 62,0 mlrd. teŋgenıŋ investisiiasy tartyldy. Al, «Tassai» industrialdy aimaǧynda jalpy qūny 26,3 mlrd. teŋgelık 17 joba ıske qosylyp, onda 1 myŋǧa juyq jūmys oryndary aşyldy.Kölık logistikalyq aimaǧynda 32,5 mlrd.teŋgege 53 jūmys ornyn qūrumen 8 joba jüzege asyryluda. Bügınde  15,9 mlrd. teŋgege 225 jūmys ornyn qūrumen 3 joba jüzege asyrylǧan. «Oŋtüstık» arnaiy ekonomikalyq aimaǧynda jalpy investisiia kölemı 42,9 mlrd. teŋge tūratyn 25 joba ıske asyrylyp, 2,3 myŋǧa juyq jūmys oryndary qūryldy. Jiyndy qorytyndylaǧan qala äkımı Şymkenttı investorlar üşın tartymdy qala qylu üşın barlyq jaǧdaidy jasap, investisiialyq jobalarǧa erekşe köŋıl bölu kerektıgın aitty.  İndustriialdy aimaqtarǧa qolǧa alynǧan jobalarǧa tūraqty monitoring jūmystaryn jürgızıp, mäselelerın şeşude memlekettık qoldaular körsetıluın tapsyrdy. Apta saiyn ötkızıletın investştabta berılgen tapsyrmalardyŋ oryndaluyn qataŋ baqylap otyratynyn jetkızdı.