شىمكەنت قالاسىندا 2024-2025 جىلعى جىلىتۋ ماۋسىمىندا توتەنشە جاعدايلاردىڭ الدىن الۋ ماقساتىندا اۋقىمدى جۇمىستار قارقىن الدى. توتەنشە جاعدايلار دەپارتامەنتى تۇرعىنداردىڭ قاۋىپسىزدىگىن قامتاماسىز ەتۋ ءۇشىن جۇيەلى تۇردە اقپاراتتىق، پروفيلاكتيكالىق جانە تەحنيكالىق ءىس-شارالار جۇرگىزىپ جاتىر. ماۋسىمنىڭ باسىنان بەرى 54 مىڭنان استام ادام قاۋىپسىزدىك شارالارى تۋرالى اقپاراتپەن قامتىلىپ، الەۋمەتتىك وسال توپتارعا ەرەكشە كوڭىل ءبولىندى.
الەۋمەتتىك جەلىلەردە 200-دەن استام پوست جاريالانىپ، تۇرعىندارعا قاۋىپسىزدىك شارالارى ءتۇسىندىرىلدى.
بۇقارالىق اقپارات قۇرالدارىندا 123 ماتەريال جارىق كوردى، ونىڭ ىشىندە: 37 گازەت ماقالاسى، 23 تەلەحابار، 63 راديو حابارلاما.
قالانىڭ شاعىن اۋداندارىندا 185 رەت داۋىس زورايتقىشپەن تۇسىندىرمە حابارلامالار جاسالدى.
* 25 848 تۇرعىن ءۇي ارالانىپ، ءتۇسىندىرۋ جۇمىستارى جۇرگىزىلدى.
* 68 ينتەراكتيۆتى ساباق وتكىزىلىپ، 2 000-نان استام وقۋشى قاۋىپسىزدىك نەگىزدەرىن مەڭگەردى.
* قوعامدىق ورىندار مەن شاعىن اۋدانداردا 82 جيىن ۇيىمداستىرىلىپ، وعان 3 مىڭعا جۋىق ادام قاتىستى.
قالاداعى الەۋمەتتىك جاعدايى تومەن وتباسىلار مەن گازداندىرۋ جۇرگىزىلمەگەن تۇرعىن ۇيلەرگە ەرەكشە كوڭىل ءبولىندى:
* 136 ۇيگە گازانىقتاعىش قۇرىلعىلار ورناتىلدى، بۇل ۋلى گازدىڭ اسەرىن انىقتاپ، قاۋىپسىزدىكتى قامتاماسىز ەتۋگە مۇمكىندىك بەرەدى.
* 193 ءۇيدىڭ ءتۇتىن مۇرجالارى تازالاندى، بۇل پەشتى دۇرىس قولدانۋ ارقىلى توتەنشە جاعدايلاردىڭ الدىن الۋعا باعىتتالعان شارا.
