جىلدان-جىلعا حالىق سانى كوبەيىپ جاتقان شىمكەنت قالاسىندا مەكتەپكە دەگەن سۇرانىس تا ارتىپ كەلەدى. وسىنى ەسكەرگەن بيزنەس وكىلدەرى سوڭعى كەزدەرى ءبىلىم وشاقتارىنىڭ قۇرىلىسىنا قارجى سالا باستادى. قازىر ءۇشىنشى مەگاپوليس جەكەمەنشىك ينۆەستورلاردىڭ ەسەبىنەن سالىنىپ جاتقان مەكتەپ قۇرىلىسى بويىنشا ەلىمىزدە كوش باستاپ تۇر. كاسىپكەرلەر سالىپ جاتقان 13 مەتەپتىڭ بيىلعى وقۋ جىلىندا ەكەۋى قولدانسىقا بەرىلمەك.
ماقپال رىسباەۆا ءتىلشى: بۇل جەكە ينۆەستوردىڭ ەسەبىنەن سالىنعان سۋ جاڭا مەكتەپ. وسىعان دەيىن ورنىندا اپاتتى جاعدايداعى 79 مەكتەپ بولاتىن. قازىرگى قۇرىلىستىڭ ەسكى نىساننان ايىرماشىلىعى جەر مەن كوكتەي. ءتىپتى سىنىپ كابينەتتەرى دە ەرەكشە جاساقتالىپتى.
اينالاسى 3 اي ىشىندە سالىنعان ءبىلىم ۇياسى قىركۇيەكتە ەسىگىن ايقارا اشادى. 2 مىڭ وقۋشىعا لايىقتالعان "نيزامحان "ورتا مەكتەبىنىڭ" عيماراتى ەرەكشە ديزاينمەن ارلەنگەن. قۇرىلىس-مونتاجداۋ جۇمىستارى تولىق اياقتالعان. قازىر ماتەريالدىق جابدىقتارى جاساقتالۋدا. زاماناۋي ۇلگىدە بوي كوتەرگەن مەكتەپتىڭ اشىلۋىن اتا-انالار دا اسىعا كۇتۋدە. وسىعان دەيىن بالالارىمىز اجەتحاناسى سىرتتا، قىستا جىلىمايتىن ساپاسى سىن كوتەرمەيتىن ەسكى عيماراتتا وقۋعا ءماجبۇر بولدى دەيدى.
التىناي بايمەنوۆا، اتا-انا:
نيزامحان سۋلايمانوۆ، جەكە ينۆەستور:
قالا اۋماعىنا كەيىننەن ەنگەن سايرام شاعىناۋدانىندا دا جىلدان-جىلعا مەكتەپكە باراتىن وقۋشىلار سانى كوبەيىپ وتىر. اۋماقتاعى ەكى مەكتەپكە بالالار سىيماعاندىقتان ەلدىمەكەندە بيىل تاعى ءبىر ءبىلىم وشاعى بوي كوتەردى. جەكە ينۆەستور سالعان بۇل عيمارات 400 بالاعا لايىقتالعان. جاڭا وقۋ جىلىنا ساقاداي ساي تۇرعان مەكتەپ 3 تىلدە ءبىلىم بەرەدى. زاماناۋي فورماتتا جاساقتالعان كابينەتتەر سوڭعى ۇلگىدەگى ينتەراكتيۆتى تاقتالارمەن قامتىلعان. سپورتزال، كىتاپحانا، اسحانا، وسكەلەڭ ەڭبەككە باۋلۋعا باعىتتالعان پاندەر وتىلەتىن سىنىپتاردىڭ جاساقتالۋى دا وزگەشە.
سانجار پايزيەۆ، مەكتەپ ديرەكتورى:
بىلتىرعى جىلى قالادا ورتاشا ەسەپپەن 23 مىڭ بالانىڭ مەكتەپ عيماراتىنا قاجەتتىلىگى تۋىنداعان. وسىنى ەسكەرگەن شىمكەنتتىك شەنەۋنىكتەر مەكتەپ قۇرىلىسىنا باسىمدىق بەردى. بۇگىنگى تاڭدا "Shymkent" اكك اق جالپى ءبىلىم بەرەتىن مەكتەپتەردىڭ قۇرىلىسى بويىنشا جالپى ينۆەستيتسيا سوماسى 25,9 ملرد.تەڭگەنى قۇرايتىن 13 ينۆەستيتسيالىق جوبانى جۇزەگە اسىرۋدا.
ەرلان كاتتابەكوۆ، شىمكەنت قالاسى «Shymkent اكك» اق باسقارما توراعاسىنىڭ ورىنباسارى:
جان باسىنا شاققانداعى قارجىلاندىرۋ جۇيەسىمەن سالىنىپ جاتقان مەكتەپتەر ەڭ الدىمەن بيۋدجەت قاراجاتىنىڭ جۇمسالۋىن ءتيىمدى ەتەدى. بۇل ءبىلىم وشاقتارىندا دا بالالار تەگىن ءبىلىم الادى. سالاعا جاۋاپتىلار جەكەمەنشىك مەكتەپتەر جەلىسىن ارتتىرۋ ارقىلى مەملەكەتتىك مەكتەپتەرگە تۇسەتىن «جۇكتى» جەڭىلدەتۋدى كوزدەپ وتىر.
م.رىسباەۆا
