Jyldan-jylǵa halyq sany kóbeıip jatqan Shymkent qalasynda mektepke degen suranys ta artyp keledi. Osyny eskergen bıznes ókilderi sońǵy kezderi bilim oshaqtarynyń qurylysyna qarjy sala bastady. Qazir úshinshi megapolıs jekemenshik ınvestorlardyń esebinen salynyp jatqan mektep qurylysy boıynsha elimizde kósh bastap tur. Kásipkerler salyp jatqan 13 meteptiń bıylǵy oqý jylynda ekeýi qoldansyqa berilmek.
Maqpal Rysbaeva tilshi: Bul jeke ınvestordyń esebinen salynǵan sý jańa mektep. Osyǵan deıin ornynda apatty jaǵdaıdaǵy 79 mektep bolatyn. Qazirgi qurylystyń eski nysannan aıyrmashylyǵy jer men kókteı. Tipti synyp kabınetteri de erekshe jasaqtalypty.
Aınalasy 3 aı ishinde salynǵan bilim uıasy qyrkúıekte esigin aıqara ashady. 2 myń oqýshyǵa laıyqtalǵan "Nızamhan "orta mektebiniń" ǵımaraty erekshe dızaınmen árlengen. Qurylys-montajdaý jumystary tolyq aıaqtalǵan. Qazir materıaldyq jabdyqtary jasaqtalýda. Zamanaýı úlgide boı kótergen mekteptiń ashylýyn ata-analar da asyǵa kútýde. Osyǵan deıin balalarymyz ájethanasy syrtta, qysta jylymaıtyn sapasy syn kótermeıtin eski ǵımaratta oqýǵa májbúr boldy deıdi.
Altynaı Baımenova, ata-ana:
Nızamhan Sýlaımanov, jeke ınvestor:
Qala aýmaǵyna keıinnen engen Saıram shaǵynaýdanynda da jyldan-jylǵa mektepke baratyn oqýshylar sany kóbeıip otyr. Aýmaqtaǵy eki mektepke balalar syımaǵandyqtan eldimekende bıyl taǵy bir bilim oshaǵy boı kóterdi. Jeke ınvestor salǵan bul ǵımarat 400 balaǵa laıyqtalǵan. Jańa oqý jylyna saqadaı saı turǵan mektep 3 tilde bilim beredi. Zamanaýı formatta jasaqtalǵan kabınetter sońǵy úlgidegi ınteraktıvti taqtalarmen qamtylǵan. Sportzal, kitaphana, ashana, óskeleń eńbekke baýlýǵa baǵyttalǵan pánder ótiletin synyptardyń jasaqtalýy da ózgeshe.
Sanjar Paızıev, mektep dırektory:
Byltyrǵy jyly qalada ortasha eseppen 23 myń balanyń mektep ǵımaratyna qajettiligi týyndaǵan. Osyny eskergen shymkenttik sheneýnikter mektep qurylysyna basymdyq berdi. Búgingi tańda "Shymkent" ÁKK AQ jalpy bilim beretin mektepterdiń qurylysy boıynsha jalpy ınvestıııa somasy 25,9 mlrd.teńgeni quraıtyn 13 ınvestıııalyq jobany júzege asyrýda.
Erlan Kattabekov, Shymkent qalasy «Shymkent ÁKK» AQ basqarma tóraǵasynyń orynbasary:
Jan basyna shaqqandaǵy qarjylandyrý júıesimen salynyp jatqan mektepter eń aldymen bıýdjet qarajatynyń jumsalýyn tıimdi etedi. Bul bilim oshaqtarynda da balalar tegin bilim alady. Salaǵa jaýaptylar jekemenshik mektepter jelisin arttyrý arqyly memlekettik mektepterge túsetin «júkti» jeńildetýdi kózdep otyr.
M.Rysbaeva
