2021 جىلدىڭ باسىنان بەرى 12,5 مىڭنان استام ادام قانداس مارتەبەسىن الدى

2778
Adyrna.kz Telegram

2021 جىلعى 1 قىركۇيەكتەگى جاعداي بويىنشا 12 501 ادام تاريحي وتانىمەن تابىسىپ، قانداس مارتەبەسىن الدى، دەپ حابارلايدى "ادىرنا" ۇلتتىق پورتالى قر ەحاقم ءباسپاسوز قىزمەتىنە سىلتەمە جاساپ. 

قر ەحاقم مالىمەتىنشە، 1991 جىلدان بەرى رەسپۋبليكاعا 1 ميلليون 82,8 مىڭ ەتنيكالىق قازاق ورالدى.

وسى جىلدىڭ باسىنان قازاقستانعا كەلگەن قانداستاردىڭ جارتىسىنان كوبى (76,0%) وزبەكستاننان، 9,8% – قىتايدان، 6,8% – تۇرىكمەنستاننان، 2,5% – موڭعوليادان جانە 4,9% باسقا ەلدەردەن قونىس اۋدارعان.

- كەلگەن ەتنيكالىق قازاقتار نەگىزىنەن الماتى (28,4%), ماڭعىستاۋ (19,5%), تۇركىستان (13,8%) جانە جامبىل (8,2%) وبلىستارىنا، سونداي-اق شىمكەنت (10,4%) قالاسىنا قالاسىنا قونىستاندى.

- اعىمداعى جىلعى 1 قىركۇيەكتەگى جاعداي بويىنشا ەڭبەككە قابىلەتتى جاستاعى ەتنيكالىق قونىس اۋدارۋشىلار سانى 55,2%-دى، ەڭبەككە قابىلەتتى جاستان كىشى 27,1%-دى جانە زەينەتكەرلەر 17,6%-دى قۇرايدى، -  دەلىنگەن ۆەدومستۆو تاراتقان اقپاراتتا.

ەڭبەككە قابىلەتتى جاستاعى قانداستاردىڭ ىشىنەن ءبىلىم دەڭەيى بويىنشا 11%-ى جوعارى ءبىلىمدى، 39,4%-ى ورتا كاسىبي ءبىلىمدى، 45,7%-ى جالپى ورتا ءبىلىمدى جانە 3,9%-نىڭ ءبىلىمى جوق ەكەنى ءمالىم بولدى.

"ادىرنا" ۇلتتىق پورتالى

 

پىكىرلەر