شوراەۆ: نامىسىن نانعا ايىرباستامايتىن تاۋەلسىز دەپۋتاتتار وزگەرىس اكەلەدى (ۆيدەو)

7200
Adyrna.kz Telegram

قر پارلامەنتى ءماجىلىسى دەپۋتاتتىعىنا كانديدات ارمان شوراەۆ قازاق ەلىنە ۇندەۋ تاستاپ، ءبىر مانداتتى وكرۋگتەردەن سايلانعالى جاتقان تاۋەلسىز دەپۋتاتتاردى قولداۋعا شاقىردى، دەپ جازادى "ادىرنا" ۇلتتىق پورتالى. 

"قۇرمەتتى اعايىندار! تۋرا 1 ايدان كەيىن ءبىزدىڭ ەلىمىزدە سايلاۋ وتەدى. ەگەر سىزدەرگە 5 مينۋتتا استانامىزدى نۇر-سۇلتان دەپ وزگەرتەتىن مىلقاۋ دەپۋتاتتار ءارى قاراي كەرەك بولسا، 2 جىلدان كەيىن 2-3 مينۋتتا نۇر-سۇلتاندى قايتادان استانا دەپ وزگەرتەتىن، ياعني بيلىكتىڭ عانا تالابىن ورىندايتىن ءدال سول دەپۋتاتتار قاجەت دەسەڭىزدەر، وندا سايلاۋعا قاتىسپاڭىزدار. بىراق، وسى جولى ءبىزدىڭ ەلىمىزدە ەرەكشە سايلاۋ بولايىن دەپ جاتىر. ويتكەنى، 98 دەپۋتاتتىڭ 29-ى ءبىر مانداتتىق وكرۋگ ارقىلى ءبىزدىڭ ماجىلىسىمىزگە سايلانادى. ول دەگەنىمىز "مەن" دەي الاتىن، نامىسىن نانعا ايىرباستامايتىن، بيلىككە باعىنبايتىن ازاماتتار قاتىسادى دەگەن ءسوز. الماتىدان، استانادان، اقتوبەدەن، باسقا دا وبلىس ورتالىعىنان قاتىسىپ تا جاتىر. مەنىڭ ءوتىنىشىم، ەگەر سىزدەر مىلقاۋ پارلامەنتتى قاجەت ەتپەسەڭىزدەر... سوڭعى 10 جىلدا مەن ءبىزدىڭ پارلامەنتىمىزدى  "سەندەر قۋىرشاق تەاترسىڭدار، قاريالار ۇيىسىڭدەر" دەپ تالاي رەت سىناعانمىن. شىنىمەن ءدال سولاي بولدى. ول جەردە بىردە-ءبىر ازامات بولعان جوق. بيلىككە تاۋەلدى ازاماتتار وتىردى. مىسالى، قازىر سايلاۋالدى باعدارلامانى جازايىن دەسەم. شىنىمەن ءبىزدىڭ ەلىمىزدە ساۋ جەر جوق. بۇكىل جۇيە، بۇكىل سالادا وزگەرىس قاجەت. ول وزگەرىستى تاۋەلسىز دەپۋتاتتار ارقىلى عانا جۇزەگە اسىرۋعا بولادى. ونى ۇمىتپاڭىزدار. قۇرمەتتى اعايىن! "مەن بارمايمىن. بيلىك وزىنىكىن ىستەيدى. مەنىڭ داۋسىمدى ۇرلاپ الادى. بارعانىم نە، بارماعانىم نە... ەشتەڭە وزگەرمەيدى" دەپ ويلاي بەرسەڭىزدەر، شىنىمەن ەشتەڭە وزگەرمەيدى. سوندىقتان 5 جىلدا 1 رەت قانا بولاتىن مۇمكىنشىلىكتى پايدالانىڭىزدار",- دەدى شوراەۆ.

"ادىرنا" ۇلتتىق پورتالى 

پىكىرلەر