ازىق-تۇلىككە اقشامىزدى ازەر جەتكىزەمىز – ساۋداگەر

2952
Adyrna.kz Telegram

ارباداعا دوربا، دورباداعى تاۋار. اۋىل-ايماقتان كوزىمىز شالىپ جۇرگەن ساۋداگەر اپالارىمىزدىڭ تۇرمىس-تىرشىلىگى، ساۋداداعى تابىس كوزى كوبىمىزگە قىزىق. ءوزىنىڭ كۇندەلىكتى تابىسىن ارباسىنا الا دورباسىن تيەپ، اۋىل-اۋىلدى ارالاپ، ساۋدا-ساتتىقپەن تاۋىپ جۇرگەن رايا اپامىزدىڭ جاي-كۇيىن "ادىرنا" ءتىلشىسى سۇراپ ءبىلدى. 

- رايا اپا، بۇل كاسىپپەن اينالىسىپ جۇرگەنىڭىزگە قانشا ۋاقىت بولدى؟

- مەنىڭ ساۋدا-ساتتىقپەن اينالىسىپ جۇرگەنىمە 10 جىلدان استى. باستاپقىدا ءىش كيىم، ناسكي سىندى دۇنيەلەردى عانا ساتاتىنمىن. بالكىم ءبىزدىڭ باعامىز حالىقتىڭ جاعدايىنا سايكەس كەلە مە، ايتەۋىر ارزان بولعان سوڭ وزگە دە تاۋارلارعا سۇرانىس كوبەيدى. اۋىلداعى انالار ءۇي شارۋاسىمەن كوپ جەرلەرگە، بازار ارالاۋعا شىعا المايدى. قورا-جايدىڭ شارۋاسىمەن قولدارى دا تيمەيتىن شىعار. سول ءبىزدىڭ ساۋدامىزدى كەلىنشەكتەر جۇرگەزىپ وتىر عوي.

- تاۋارلارىڭىزدى قاي جاقتان الدىراسىز؟

- مەندەگى كيىم-كەشەكتىڭ كوبى وزبەكستان مەن بىشكەكتىڭ ونىمدەرى. ءوز ەلىمە وزبەكستانعا بارعانىمدا تاۋارلار الىپ قويامىن. كەيىن وسى ەلگە كەلگەنىمدە ساتۋعا تىرىسامىن. كەز كەلگەن ساۋداگەر سىندى مەن دە ءوز زاتتارىمنىڭ ساتىلىپ كەتكەنىن قالايمىن. بىراق امال نەشىك. قازىر بۇرىنعىداي ەمەس. كوبى المايدى.

- كۇندەلىكتى تابىسىڭىز قانشا؟

- كەي كىسىلەر ءبىر اشقانىمدا 3-4 مىڭ تەڭگەگە ساۋدا جاسايدى. بىرەۋلەر ءبىر-ەكى ناسكي الىپ قانا قويادى. شىنىمدى ايتسام ءارتۇرلى. بىراق ءبىزدىڭ دە تاۋاردى الاتىنىمىز بار، شەكارادان وتەتىنىمىز بار، جولىمىزدىڭ اقشاسى بار. بالا-شاعاعا جەتەرلىك، شۇكىر دەيمىز. الايدا، تاپقان اقشامىزدى ازىق-تۇلىككە ارەڭ جەتكىزەمىز.

-كارانتين كەزىندە ساۋداڭىز قالاي ءجۇردى؟ ەلدىڭ ءبارى ۇيىندە، حالىق ەشقايدا شىقپاي-اق كيىم-كەشەكتى سىزدەن الدى ما؟

-قايداعى، قىزىم اۋ. ءبىز دە قاراپايىم جاندارمىز. بىزگە دە جان كەرەك. كارانتيندە زاڭعا باعىنىپ ءبىز دە ۇيدە وتىردىق. شەكارا جابىق، تاۋار جوق. تاۋار بولماسا، ساۋدا بولماسا قايدان تابىس بولسىن.

-ساۋداڭىز ءجۇرسىن، اپا! جاۋاپتارىڭىزعا راقمەت!

اڭگىمەلەسكەن: دينا ليتپين،

"ادىرنا" ۇلتتىق پورتالى

پىكىرلەر
ۇقساس جاڭالىقتار
Серіктестер/Партнеры
Студия IMA - создание сайтов Доставка цветов Астана - Lova Buket