اقش كونگرەسىنىڭ سپيكەرى نەنسي پەلوسيدىڭ ساپارىنان كەيىن قىتاي تايۆانعا قارسى ساۋدا سانكتسيالارىن سالدى. بۇل تۋرالى تايۆانداعى Economic Daily News گازەتى جاريالادى، دەپ حابارلايدى “ادىرنا” ۇلتتىق پورتالى.
مالىمەت بويىنشا، قىتايدىڭ باس كەدەن باسقارماسى 3 تامىزدا مالىمدەمە جاساپ، بۇدان بىلاي تايۆاننان تسيترۋس جەمىستەرى، سالقىنداتىلعان قىلىش بالىق، مۇزداتىلعان سكۋمبريا جانە باسقا دا ونىمدەردىڭ يمپورتى توقتاتىلاتىنىن حابارلاعان.
قىتايدىڭ رەسمي مالىمدەمەسىندە يمپورتتىڭ توقتاتىلۋىنىڭ نەگىزگى سەبەبى – وسى ونىمدەردەن زياندى زاتتاردىڭ تابىلۋىنا بايلانىستى دەپ ءتۇسىندىرىلدى.
قىتايدىڭ ساۋدا مينيسترلىگى دە 3-ءى كۇنى تاڭەرتەڭ تايۆانعا تابيعي قۇمدى ەكسپورتتاۋدى توقتاتاتىنىن جاريالادى.
قىتاي ۇكىمەتىنىڭ «تايۆان ىستەرى جونىندەگى كەڭسەسى» دە سول كۇنى تايۆاننىڭ «تايۆان دەموكراتياسى قورى»، «حالىقارالىق ىنتىماقتاستىق جانە دامۋ قورى» جانە باسقا دا ۇيىمدارعا سانكتسيا سالىپ، بۇل ۇيىمداردىڭ قىتايلىق كاسىپورىندارمەن، زاڭدى تۇلعالار نەمەسە باسقا كەز كەلگەن نىساندا ىنتىماقتاستىق جاساۋىنا تىيىم سالاتىنىن حابارلادى.
”ادىرنا” ۇلتتىق پورتالى
