اقتوبەدە بەلگىسىز بىرەۋ التى مەكتەپتى «مينالاپ تاستادى»

3388
Adyrna.kz Telegram

تەرروريست اقتوبەدە التى مەكتەپتى «مينالادى» دەگەن جالعان اقپارات تارادى، دەپ حابارلايدى "ادىرنا" پورتالى.

وبلىستىق پوليتسەيلەردىڭ مالىمەتىنشە، 1 قىركۇيەكتە ساعات 08.30 شاماسىندا No2 ورتا مەكتەپتىڭ ەلەكتروندى مەكەنجايىنا اقتوبەدەگى التى مەكتەپكە (N1, 2, 21, 22, 51 جانە 56 ورتا مەكتەپتەردە) بومبا قويىلعاندىعى تۋرالى حابارلاما جىبەرىلگەن.

وقيعا ورنىنا بارلىق جەدەل قىزمەتتەر مەن ساپەرلەر توبى دەرەۋ جىبەرىلدى.

سونداي -اق، وقۋشىلاردى، پەداگوگيكالىق قىزمەتكەرلەر مەن مەكتەپتەردىڭ تەحنيكالىق قىزمەتكەرلەرىن ەۆاكۋاتسيالاۋ ۇيىمداستىرىلدى.

قازىر جاسىرىن حابارلامالاردىڭ اۆتورىن انىقتاۋ جانە ۇستاۋ بويىنشا جەدەل شارالار جۇرگىزىلۋدە. اتالعان فاكتى بويىنشا قر قىلمىستىق كودەكسىنىڭ 273-بابى «تەرروريزم اكتىسى تۋرالى قاساقانا جالعان حابارلاۋ» بويىنشا سوتقا دەيىنگى تەرگەۋ باستالدى.

ايتا كەتۋ كەرەك، بۇل باپتىڭ سانكتسياسى بەس جىلعا دەيىن باس بوستاندىعىنان ايىرۋ تۇرىندەگى جازانى قاراستىرادى.

"ادىرنا" ۇلتتىق پورتالى

پىكىرلەر