2019-2021 جىلدارى ەڭ تانىمال بولعان يسپاندىق "ەليتا" سەريالى ءجاسوسپىرىم درامالارى اراسىندا رەيتينگ جاعىنان ءبىرىنشى ورىن الدى. مەكتەپ، اقشا، ماحاببات، وتباسى، گوموسەكسۋاليزم، ەسىرتكى، كىسى ءولتىرۋ، قاستاندىق... "ادىرنا" ءتىلشىسى وسىنىڭ ءبارى جانە بۇدان دا وزگە شىتىرمانعا تولى «ەليتا» سەريالى تۋرالى ءسوز قوزعاماق.
2018 جىلى يسپانيادا «ەليتا» جاسوسپىرىمدەر سەريالى جارىق كوردى جانە ول 8 سەريادان تۇردى. كورەرمەندەردىڭ سەريالعا دەگەن سۇيىسپەنشىلىگى سونشالىق، جاساۋشىلار ونى ۇزارتۋعا شەشىم قابىلدادى. قازىرگى ۋاقىتتا سەريالدىڭ 4-ماۋسىمى شىقتى. سەريال 3 ماۋسىممەن عانا اياقتالۋى كەرەك ەدى. بىراق 2020 جىلى سەريالدىڭ جەلىنى جارعانى سونشالىق, سەريال ستسەناريستەرى تاعى 4 جانە 5 ماۋسىمعا كەلىسىمشارتقا قول قويدى.
مۇنىڭ ءبارى نەدەن باستالادى؟
ءبىرىنشى ەپيزودتى كورە باستاعان ساتتە ءسىز نە بولىپ جاتقانىن بىردەن تۇسىنە المايسىز جانە ءبارى شيەلەنىسكەن وقيعا رەتىندە تاسپالانعان. بىراق ءسىز ءبىر ەپيزودتى تولىق كورىپ ۇلگەرسەڭىز، تاماشالاۋىڭىزدى توقتاتۋ قيىن. سەبەبى شىرعالاڭ ساتتەرمەن شيەلەنىسكەن وقيعانىڭ كەلەسى ەپيزودىن كورۋگە قۇمارتىپ تۇراسىز. سەريالدا «قوس ۋاقىت» بار. وتكەن مەن قازىرگى ۋاقىتتاعى وقيعالار ءبىر ۋاقىتتا بىرىكتىرىلەدى.
سيۋجەتتە ءۇش قاراپايىم ءجاسوسپىرىم ستيپەنديا نەگىزىندە وتە ەليتالىق مەكتەپكە بارادى، وندا ولاردى ولار قالاعانداي كۇتپەدى. بۇل مەكتەپتە ولاردىڭ تاعدىرى جۇمباق نەگىزىندە قالا بەردى. قازىرگى ۋاقىتتا مەكتەپ وقۋشىسىنىڭ ءبىرى ءولتىرىلىپ، بارلىق باستى كەيىپكەرلەر كۇدىككە ىلىككەن. سەريالدا ءار ەپيزودتىڭ سيۋجەتى مەن تۇجىرىمداماسى وتە جاقسى تاڭدالعانى سونشالىق، تراگەدياعا ناقتى كىنالى كىم ەكەنىن تولىق ءتۇسىنۋ مۇمكىن ەمەس.
بۇل سەريالدىڭ ەرەكشەلىگى نەدە؟
ءبىز كەز-كەلگەن ءفيلمدى نەمەسە تەلەحيكايانى كورگەندە، ونىڭ باستى جاۋىز كەيىپكەرى بولارى ءسوزسىز. ەليتادا مۇنداي تاپتاۋرىن جوق جانە بۇل باستى ارتىقشىلىقتاردىڭ ءبىرى. ءار كەيىپكەردىڭ جاعىمدى دا، جاعىمسىز دا جاقتارى بار. ءسىز ءبىرىنشى ماۋسىمدا ءبىر كەيىپكەردى جەك كورسەڭىز، ال ءۇشىنشى ماۋسىمدا ءسىز ونى شىنىمەن جاقسى كورىپ كەتەسىز. ءار ەپيزود باستى كەيىپكەردىڭ ءولىمى مەن سىنىپتاستارىنىڭ وعان دەگەن كوزقاراسىنىڭ مۇلدەم باسقا بولشەكتەرىن اشادى.
«ەليتادا» قانداي ماسەلەلەر كوتەرىلدى؟
ءبىزدىڭ زامانىمىزدىڭ بارلىق دەرلىك پروبلەمالارى وسىندا كوتەرىلگەن دەپ سەنىممەن ايتا الامىز. كەدەيلەر مەن بايلاردىڭ تەڭسىزدىگى، گوموسەكسۋاليزم، قوعامداعى دىنگە قاتىستى ماسەلەلەر، قازىرگى ءجاسوسپىرىمنىڭ ارزان نارسەگە قۇمارتۋى. وسىدان باسقا ، ايۆ جانە قاتەرلى ىسىك، 16 جاستاعى جۇكتىلىك پروبلەماسى قوزعالعان.
نەلىكتەن جاستار اراسىندا بۇل سەريال وتە تانىمال؟
ءبىز ءبارىمىز قاتەلەسۋگە بەيىمبىز جانە ءبارىمىز باقىتتى بولعىمىز كەلەدى، اسىرەسە ءومىرىمىزدىڭ ەڭ جاقسى كەزەڭىندە. بىراق ونى ءسىز جوسپارلاعانداي ورىنداۋ ءاردايىم مۇمكىن ەمەس. «ەليتادا» ءبىز ءوز ومىرىمىزدە جىبەرەتىن قاتەلىكتەر اشىق كورسەتىلىپ، ول وقيعالاردىڭ جاي-جاپسارى انىق ايتىلادى.
كەيىپكەرلەردى، ولاردىڭ مىنەز-قۇلقىن باقىلاي وتىرىپ، ونىڭ قانشالىقتى ماڭىزدى ەكەنىن جانە مۇنىڭ ءبارى ومىردە مۇمكىن ەكەنىن تۇسىنەسىز. كەي وقيعالارعا تاڭعالا قاراپ، الايدا ول ساتتەردىڭ بارلىعى ومىردەن الىنعانىن ۇعىناسىز. ولاردىڭ ەموتسيالارى مەن پروبلەمالارىن شەشۋ ولاردىڭ كومەگىمەن وسۋگە كومەكتەسەدى. سەريالدى كورگەننەن كەيىن، ونىڭ سيۋجەتى تۋرالى ويلانۋعا تۇرارلىق ەكەنىن تۇسىنەسىز جانە اقىر سوڭىندا قورىتىندى جاساعاندا، ول سىزگە شابىت بەرىپ، جاڭا وي تاستارى ءسوزسىز.
سەريالدىڭ تاعى ءبىر ۇلكەن ارتىقشىلىعى بۇل - كورنەكىلىك پەن قاراما-قايشىلىق. مۋزىكا مەن سىرتقى تۇرىنە تولىق سايكەس كەلەتىن كارتينا. سەريالدى كورگەننەن كەيىن كيىنۋ ءستيلى، كەيىپكەرلەردىڭ مىنەز-قۇلقى، ولاردىڭ سوزدەرى مەن مانەرلەرى كوپتەگەن جانكۇيەرلەر ءۇشىن وتە اسەرلى بولدى.
وسى كەشتە سەندە ەكى تاڭداۋ بار. وزىڭمەن ءوزىڭ بول نەمەسە باقىتتى بول....
كەز كەلگەن ادامنىڭ قاتەلەسۋگە جانە ەكىنشى مۇمكىندىككە قۇقىعى بار.
ادامدى، سەنى ۇناتقانى ءۇشىن كىنالاۋعا بولمايدى.
p/s: "ەليتا"
قىزىقتى فاكتىلەر:
- 4 ماۋسىمدا اكتەرلىك قۇرامنىڭ جارتىسى بولمايدى. سەريالدىڭ جاڭا كەيىپكەرلەرى تانىستىرىلادى.
- لۋكرەزيانىڭ ءرولىن وينايتىن داننا پاولو - اكتريسا عانا ەمەس، سونىمەن بىرگە ومىردە ءانشى. ونىڭ بىرنەشە اندەرى سەريالدا ساۋندرەك رەتىندە وينالادى.
- سەريالدا مارينانىڭ ءرولىن وينايتىن ماريا پەدرازا، نانو رولىندە بولعان حايمە لورەنتەمەن شىنايى ومىردە قارىم-قاتىناستا.
"ادىرنا" ۇلتتىق پورتالى
