Terrorist Aqtöbede alty mekteptı «minalady» degen jalǧan aqparat tarady, dep habarlaidy "Adyrna" portaly.
Oblystyq poliseilerdıŋ mälımetınşe, 1 qyrküiekte saǧat 08.30 şamasynda No2 orta mekteptıŋ elektrondy mekenjaiyna Aqtöbedegı alty mektepke (N1, 2, 21, 22, 51 jäne 56 orta mektepterde) bomba qoiylǧandyǧy turaly habarlama jıberılgen.
Oqiǧa ornyna barlyq jedel qyzmetter men saperler toby dereu jıberıldı.
Sondai -aq, oquşylardy, pedagogikalyq qyzmetkerler men mektepterdıŋ tehnikalyq qyzmetkerlerın evakuasiialau ūiymdastyryldy.
Qazır jasyryn habarlamalardyŋ avtoryn anyqtau jäne ūstau boiynşa jedel şaralar jürgızılude. Atalǧan faktı boiynşa QR Qylmystyq kodeksınıŋ 273-baby «Terrorizm aktısı turaly qasaqana jalǧan habarlau» boiynşa sotqa deiıngı tergeu bastaldy.
Aita ketu kerek, būl baptyŋ sanksiiasy bes jylǧa deiın bas bostandyǧynan aiyru türındegı jazany qarastyrady.
"Adyrna" ūlttyq portaly
Ūqsas jaŋalyqtar
