اقش-تىڭ اۋعانستاننان ءوز اسكەرىن شىعارىپ جاتقان ساتتە ءۇندىستاننىڭ دجاممۋ مەن كاشمير قالالارىندا ءىرى تەراكت ورىن الدى. بۇل جايىندا ءۇندىستاننىڭ ارنايى قىزمەت كوزى NDTV تەلەارناسى اقپاراتتار تاراتتى.
"وسى ايدىڭ اعىمىندا تەرروريستتەر تاراپىنان شابۋىلدار مەن بىرنەشە جارىلىستار ورىن العان، جارىلعىش قۇرىلعىلاردى جەر-جەرلەرگە كومىپ تاستاعان. ءوڭىردىڭ ساياسي تۇلعالارىنا قارسى بىرنەشە وپەراتسيالار ۇيىمداستىرىلدى» -دەپ حابارلادى، NDTV تەلەارناسى.
NDTV تەلەارناسىنىڭ ءجۋرناليستىنىڭ ايتۋىنشا، كاشمير جازىعىندا تەرروريستتەردىڭ 6 قارۋلى توپتارى جاسىرىنعان. ولاردىڭ ەڭ ماڭىزدى جوسپارلارى دا بەلگىلى بولدى. دجاممۋ مەن كاشميردە سوڭعى كەزدە تەرروريستتەر تاراپىنان قىسىم جاساۋ ارەكەتتەرى قارقىن العان. اقپارات كوزدەرىنە قاراعاندا، قازىر كاشمير جازىعىندا ارنايى وپەراتسياعا دايىن وتىرعان 300-دەي تەرروريست بار.
قازىر ءۇندىستاننىڭ ارنايى قىزمەتى تەرروريستتەردىڭ ارەكەتتەرىنە بارلاۋ جۇمىستارىن باستاپ كەتتى. تاليبان راديكالدى قوزعالىسىنىڭ جاساقتارى كابۋلدى باسىپ العاننان كەيىن، ءۇندىستاننىڭ كاشمير قالاسىندا اۋقىمدى جوسپارلارى بار ەكەندىگى كەيبىر اقپارات كوزدەرىندە ايتىلعان بولاتىن.
ولاردىڭ بۇل ارەكەتىنە قاتىستى بەينەتاسپالارى دا الەۋمەتتىك جەلىلەرگە تاراپ كەتكەن ەدى.
بەكبولات قارجان،
"ادىرنا" ۇلتتىق پورتالى
