ء“ورت قاۋىپسىزدىگى ساقتالماعان” : رەسەي قىرىمداعى جارىلىسقا ۋكراينانى ايىپتامايدى

3215
Adyrna.kz Telegram
فوتو: ۆيدەودان الىندى
فوتو: ۆيدەودان الىندى

رەسەي قىرىمداعى ساكي اەرودرومىنداعى وق-دارىلەردىڭ جارىلۋىنا ۋكراينانى ايىپتامايدى. ونىڭ نەگىزگى سەبەبى - ءورت قاۋىپسىزدىگى ەرەجەلەرىن ساقتاماۋدان بولدى، دەپ رەسەي اسكەري ۆەدومستۆوسى مالىمدەدى، دەپ حابارلايدى “ادىرنا” ۇلتتىق پورتالى.

"ساكي اەرودرومىندا بىرنەشە وق-دارىلەردىڭ جارىلۋىنىڭ باستى سەبەبى رەتىندە تەك ءورت قاۋىپسىزدىگى تالاپتارىنىڭ بۇزىلۋى قاراستىرىلادى. ەشقانداي بەلگىلەر، ايعاقتار، ءتىپتى ونى ءبۇلدىرۋ ماقساتىندا قاساقانا اسەر ەتۋ فاكتىلەرى جوق", - دەدى ۆەدومستۆو.

ال امەريكاندىق سوعىستى زەرتتەۋ ينستيتۋتىنىڭ (ISW) مالىمەتىنشە، رەسەي تاراپى قىرىمداعى ساكي اەرودرومىنا زىمىراندىق شابۋىل جاسادى دەپ ۋكراينانى ايىپتاي المايدى، ويتكەنى «موسكۆا» كرەيسەرىنىڭ باتىپ كەتۋىنەن كەيىن بۇل رەسەيلىك اۋە قورعانىس جۇيەسىنىڭ السىزدىگىن كورسەتەدى.

ايتا كەتەيىك، 9 تامىز كۇنى تاڭەرتەڭ رەسەي قورعانىس مينيسترلىگى قىرىمداعى ساكي اسكەري اەرودرومىندا اۆياتسيالىق وق-دارىلەر جارىلعانىن جانە اەرودرومداعى اۆياتسيالىق تەحنيكانىڭ زاقىمدالماعانىن مالىمدەدى.

جارىلىستاردان كەيىن ءبىر ادام قازا تاۋىپ، بەس ادام اينەك سىنىقتارىنان زارداپ شەككەن.

پىكىرلەر