الماتى وبلىسى: وبلىستاعى مۇعالىمدەردىڭ 99% ۆاكتسيناتسيالانعان

2884
Adyrna.kz Telegram

وڭىردەگى ءبىلىم بەرۋ مەكەمەلەرى كۇردەلى ەپيدەميولوگيالىق جاعدايدا ءداستۇرلى فورماتتا وقۋعا تولىق دايىن، دەپ حابارلايدى "ادىرنا" ۇلتتىق پورتالى.

بەلگىلى بولعانداي، بولجام بويىنشا، جاڭا وقۋ جىلىندا وقۋشىلار سانى 440 مىڭعا وسەدى، ءبىرىنشى سىنىپقا 47 مىڭ وقۋشى قابىلدانادى.

"بارلىق مەكتەپتەر قورعانىس قۇرالدارىمەن قامتاماسىز ەتىلگەن، بۇل ءۇشىن جەرگىلىكتى بيۋدجەتتەن 200 ميلليون تەڭگە ءبولىندى. اشىق باعدارلاماسى بارلىق ءبىلىم بەرۋ نىساندارىنا ەنگىزىلدى", - دەدى الماتى وبلىسى اكىمىنىڭ ورىنباسارى باتىرجان بايجۇمانوۆ Jetisy باق بريفينگىندە.

وبلىس مەكتەپتەرىندە حالىقتىڭ الەۋمەتتىك وسال توپتارى مەن از قامتىلعان وتباسى وقۋشىلارىنىڭ 100% تەگىن ىستىق تاماقپەن قامتاماسىز ەتىلەتىن بولادى.

"كوپ بالالى جانە از قامتىلعان وتباسىنان شىققان 44 531 وقۋشىعا ىستىق تاماقپەن، مەكتەپ فورماسىمەن قامتاماسىز ەتۋگە قوسىمشا 2,6 ميلليارد تەڭگە ءبولىندى", دەپ ءبولىستى وبلىستىق ءبىلىم باسقارماسىنىڭ باسشىسى جاڭىل سۇلەيمەنوۆا،

ونىڭ ايتۋىنشا، «مەكتەپكە جول» اكتسياسى اياسىندا 12902 وقۋشىعا 122 ميلليون تەڭگە كولەمىندە دەمەۋشىلىك كومەك كورسەتىلدى. بۇل باعىتتاعى جۇمىس جالعاسۋدا.

مەملەكەتتىك قولداۋدىڭ ارقاسىندا بيىل وبلىستا 40 ءبىلىم بەرۋ نىسانى سالىنۋدا، ونىڭ ىشىندە 28 مەكتەپ. وقۋ جىلىنىڭ باسىنا دەيىن التى جاڭا مەكتەپ پايدالانۋعا بەرىلەدى، ال جىل سوڭىنا دەيىن تاعى ءتورت مەكتەپتى اياقتاۋ جوسپارلانۋدا.

"ادىرنا" ۇلتتىق پورتالى

پىكىرلەر