رەسەي قازاقستانعا جالعا العان پوليگون جەرىن قايتاردى

3908
Adyrna.kz Telegram

رەسەي قازاقستاننان جالعا العان اتىراۋ وبلىسىنداعى جەردىڭ نەگىزگى بولىگى الداعى ۋاقىتتا مەملەكەت قورىنا قايتارىلادى، "ادىرنا" ۇلتتىق پورتالى. 

ءتيىستى زاڭ كۇشىنە ەندى. جەرگىلىكتى تۇرعىنداردىڭ اۋىلشارۋاشىلىق القاپتارىن قايتادان پايدالانا الاتىنى تۋرالى مالىمەتتەر قالدى.

اتىراۋ وبلىسىنىڭ قىزىلقوعا اۋدانىندا رەسەي فەدەراتسياسى قورعانىس مينيسترلىگى 25 جىلعا 750 مىڭ گەكتارعا جۋىق جەردى جالعا العان. وندا جيىرمادان استام يادرولىق جارىلىس جاسالدى. پوليگون كوپتەن بەرى پايدالانىلمادى.

قازاقستان رەسپۋبليكاسى پرەمەر-ءمينيسترىنىڭ ورىنباسارى رومان سكليار اتىراۋ وبلىسى قىزىلقوعا اۋدانىنداعى تايسويعان پوليگونى جەرلەرىنىڭ ءبىر بولىگىن قايتا بولۋگە قاتىستى پىكىر ءبىلدىردى.

دەپۋتاتتاردىڭ ساۋالىنا سايكەس، وندا جەر استى سۋلارىنىڭ ۇلكەن كەن ورنى ورنالاسقان.

«2016 جىلعى 22 اقپاندا سىناق الاڭدارىن پايدالانۋ جانە جالعا بەرۋ تۋرالى كەلىسىم راتيفيكاتسيالاندى. كەلىسىمگە سايكەس، بۇعان دەيىن رەسەي فەدەراتسياسى قورعانىس مينيسترلىگى جالعا العان تايسويعان مەملەكەتتىك ۇشۋ-سىناق ورتالىعىنىڭ (گليتس) №929 سولتۇستىك بولىگى قازاقستاننىڭ قۇزىرىنا ءوتتى. اتىراۋ وبلىسىنىڭ قىزىلقوعا اۋدانىندا رەسەيلىك اسكەريلەردىڭ جالعا العان 749,6 مىڭ گەكتار جەرى بولدى»، - دەدى رومان سكليار.

ناتيجەسىندە، ونىڭ ايتۋىنشا، 624,6 مىڭ گەكتار جەر (83,3%) قايتارىلعان.

اتىراۋ وبلىسىنداعى تايسويعان اسكەري پوليگونىنىڭ جەرلەرى قازاقستانعا قايتارىلعاننان كەيىن ەكى جىل بويى توپىراق پەن سۋدا زياندى زاتتاردىڭ بار-جوعىن زەرتتەۋ جۇمىستارى جۇرگىزىلدى. زەرتتەۋ ناتيجەلەرى بويىنشا قايتارىلعان 624,6 مىڭ گەكتار جەر ەكولوگيالىق قاۋىپسىز جانە اۋىل شارۋاشىلىعىنا جارامدى ەكەنى بەلگىلى بولدى.

ەستەرىڭىزگە سالا كەتەيىك، وسى جىلدىڭ ءساۋىر ايىندا رەسەيمەن شەكاراداعى جەرلەرگە قاتىستى جانجال شىققان بولاتىن. ودان كەيىن اتىراۋ مەن استراحان وبلىستارىنىڭ شەكاراسىنداعى دەماركاتسيا جۇمىستارى قازاقستاندىقتاردىڭ اشۋ-ىزاسىن تۋدىردى.

"ادىرنا" ۇلتتىق پورتالى

پىكىرلەر