قوستانايدا مەكتەپتەرگە "شابۋىل جاسايمىن" دەپ جالعان اقپارات تاراتقان ادامنىڭ كىم ەكەنى انىقتالدى، دەپ حابارلايدى "ادىرنا" ءتىلشىسى.
ەلدى دۇرلىكتىرگەن ادام 10 جاستاعى بالا بولىپ شىقتى.
قوستاناي وبلىسى پوليتسيا دەپارتامەنتى ءباسپاسوز قىزمەتىنىڭ مالىمەتىنشە، الەۋمەتتىك جەلىدە جالعان اقپارات تاراتقان ادام انىقتالعان.
"الەۋمەتتىك جەلىدە تەررورلىق ارەكەت تاقىرىبىنداعى جاريالانىمدى كورگەن ول ءماتىنىن كوشىرىپ العان. سوسىن وعان فوتو قوسىپ، مونتاجداعان. كەيىن WhatsApp ارقىلى سىنىپتاستارىنا تاراتقان. اتالعان دەرەك بويىنشا قىلمىستىق ءىس قوزعالدى. تەرگەۋ امالدارى جۇرگىزىلىپ جاتىر. وقۋشىنىڭ اتا-اناسى قر زاڭناماسىنا سايكەس جاۋاپكەرشىلىكتى ارقالايدى", - دەلىنگەن حابارلامادا.
الەۋمەتتىك جەلىدە 15 اقپان كۇنى قوستاناي مەكتەپتەرىندە اتىس ۇيىمداستىرىلاتىنى تۋرالى حابارلاما تاراپ، كوپتى دۇرلىكتىرگەن بولاتىن.
ەندى بالاقايدىڭ اتا-اناسى دا سوت الدىندا جاۋاپ بەرەدى.
