قازاقستان كوروناۆيرۋسقا قارسى قىتاي ۆاكتسيناسىن ساتىپ الماق

3068
Adyrna.kz Telegram

قازاقستان قىتايلىق Sinovac ۆاكتسيناسىنىڭ 3 ميلليون دوزاسىن جانە رەسەيلىك "سپۋتنيك لايت"-تىڭ 1 ميلليون دوزاسىن جەتكىزۋگە كەلىسكەنىن ايتتى، دەپ "ادىرنا" ۇلتتىق پورتالى، zakon.kz سايتىنا سىلتەپ حابارلايدى. بۇل تۋرالى قازاقستان دەنساۋلىق ساقتاۋ ءمينيسترى الەكسەي تسوي مالىمدەدى.

الماتىدا وتكەن مەديتسينالىق قوعامداستىق وتىرىسىندا تسوي، بۇدان وزگە Pfizer ۆاكتسيناسى بويىنشا كەلىسسوزدەر جۇرگىزىلىپ جاتقانىن ايتتى.

قازىر بۇكىل ەل بويىنشا قاراعاندى ​​فارماتسەۆتيكالىق كەشەنىندە شىعارىلعان رەسەيلىك "سپۋتنيك V" ۆاكتسيناسىنىڭ 150 مىڭ دوزاسى جەتكىزىلىپ جاتىر، دەپ اتاپ ءوتتى ول. ونىڭ ايتۋىنشا، قاراعاندىداعى زاۋىتتا 750 مىڭ دوزا شىعارىلعان.

"ولار قازىردىڭ وزىندە بار. ەندى ولاردى ايماقتارعا جەتكىزۋ، تەحنيكا ماسەلەسى. بارلىعى كەلەسى اپتادا جەتكىزىلىپ، دايىن بولادى دەپ ويلايمىن. قاراعاندى ​​فارماتسەۆتيكالىق زاۋىتى ەلدە 1 ميلليون دوزا شىعارۋدا. وعان قوسا شامامەن 2 ميلليون دوزا، ياعني 3 ميلليون دوزا ەلگە ءساۋىر ايىندا جەتكىزىلەدى" دەدى تسوي ءوز سوزىندە.

قازاقستان 2021 جىلدىڭ سوڭىنا دەيىن التى ميلليون ازاماتتى كوروناۆيرۋسقا قارسى ۆاكتسيناتسيالاۋدى جوسپارلاپ وتىر.

ەسكە سالا كەتسەك، جاقىندا قازاقستان رەسەيدەن قوسىمشا 4 ميلليون دوزا رەسەيلىك ۆاكتسيناسىن جەتكىزۋدى سۇراعان ەدى.

 

مەرۋەرت جاقسىلىقوۆا،
كازۇۋ-دىڭ جۋرناليستيكا فاكۋلتەتىنىڭ
4-كۋرس ستۋدەنتى

پىكىرلەر