Óńirdegi bilim berý mekemeleri kúrdeli epıdemıologııalyq jaǵdaıda dástúrli formatta oqýǵa tolyq daıyn, dep habarlaıdy "Adyrna" ulttyq portaly.
Belgili bolǵandaı, boljam boıynsha, jańa oqý jylynda oqýshylar sany 440 myńǵa ósedi, birinshi synypqa 47 myń oqýshy qabyldanady.
"Barlyq mektepter qorǵanys quraldarymen qamtamasyz etilgen, bul úshin jergilikti bıýdjetten 200 mıllıon teńge bólindi. Ashyq baǵdarlamasy barlyq bilim berý nysandaryna engizildi", - dedi Almaty oblysy ákiminiń orynbasary Batyrjan Baıjumanov Jetisy BAQ brıfınginde.
Oblys mektepterinde halyqtyń áleýmettik osal toptary men az qamtylǵan otbasy oqýshylarynyń 100% tegin ystyq tamaqpen qamtamasyz etiletin bolady.
"Kóp balaly jáne az qamtylǵan otbasynan shyqqan 44 531 oqýshyǵa ystyq tamaqpen, mektep formasymen qamtamasyz etýge qosymsha 2,6 mıllıard teńge bólindi", dep bólisti oblystyq bilim basqarmasynyń basshysy Jańyl Súleımenova,
Onyń aıtýynsha, «Mektepke jol» akııasy aıasynda 12902 oqýshyǵa 122 mıllıon teńge kóleminde demeýshilik kómek kórsetildi. Bul baǵyttaǵy jumys jalǵasýda.
Memlekettik qoldaýdyń arqasynda bıyl oblysta 40 bilim berý nysany salynýda, onyń ishinde 28 mektep. Oqý jylynyń basyna deıin alty jańa mektep paıdalanýǵa beriledi, al jyl sońyna deıin taǵy tórt mektepti aıaqtaý josparlanýda.
"Adyrna" ulttyq portaly
