تاليبان راديكالدى قوزعالسىنىڭ وكىلدەرى تۇركيادان اۋعاندىق جانە شەتەلدىك ازاماتتار تولىق ەۆاكۋاتسيالانعاننان كەيىن كابۋل اۋەجايىنا كۇردەلى جوندەۋ جۇمىستارىن، تەحنيكالىق قىزمەتتى رەتتەپ، باسقارۋ مەنەدجمەنتىن قالىپتاستىرىپ، جۇرگىزىپ بەرۋدى سۇرانىپ، ءوتىنىش جولدادى. بۇل اقپارات جايىندا Reuters ارنايى حابارلادى.
تۇركيالىق شەنەۋنىكتەردىڭ Reuters-كە بەرگەن سۇحباتىندا تاليبان راديكالدى قوزعالىسىنىڭ وكىلدەرىنىڭ كابۋلدەن شەتەلدىك اسكەريلەر مەن ەۆاكۋاتسيالاناتىن تۇرعىندار شىعىپ كەتكەننەن كەيىن كابۋل اۋەجايىنا تەحنيكالىق كومەك پەن باسقارۋ مەنەدجمەنتىن جاڭارتۋ بويىنشا كومەك جايىندا اقىلداسقانى بەلگىلى بولدى.
«تاليبان قوزعالىسىنىڭ وكىلدەرى اسا قيىن جاعدايدا كابۋل اۋەجايىنىڭ تەحنيكالىق جانە باسقارۋ مەنەدجمەنتىنىڭ قىزمەتىن دامىتۋ بويىنشا كومەك سۇرادى. ال، تۇركيا تاراپى كابۋل اۋەجايىنا ارنايى اسكەريلەر كىرگىزىپ، قىزمەت جۇيەسىن رەتتەمەسە، بۇل تۇركيا ازاماتتارى ءۇشىن قاۋىپتى ءارى وتە تاۋەكەلدى تالاپ ەتەتىن شارۋا» دەدى، تۇركيالىق شەنەۋنىكتەر.
بىراق، كابۋلدەن شەتەلدىك اسكەريلەر مەن ازامتتار شىعىپ كەتكەننەن كەيىن ەكى تاراپ بۇل ماسەلەنى ءوزارا اقىلداساتىنىن ايتتى.
بەكبولات قارجان،
"ادىرنا" ۇلتتىق پورتالى
