بۇۇ-نىڭ 120 قىزمەتكەرى اۋعانستاننان قازاقستانعا جەتكىزىلدى

2818
Adyrna.kz Telegram

بۇل جايىندا بۇۇ-نىڭ باس حاتشىسىنىڭ رەسمي وكىلى ستەفانوم ديۋجارريك حابارلادى. ولاردىڭ ىشىندە ەكىنشى اۆيارەيستە ۇكىمەتتىك ەمەس ۇيىمداردىڭ دا وكىلدەرى بار.

اۆيارەيسپەن جەتكىزىلگەن قىزمەتكەرلەردىڭ ەكىنشى لەگى كابۋلدەن الماتىعا كەلىپ ءتۇستى. بۇۇ-نىڭ قىزمەتكەرلەرى اۋعانستانداعى جاعدايعا بايلانىستى ميلليونداعان تۇرعىندارعا گۋمانتيارلىق نەمەسە باسقا دا كومەكتەردى ىسكە اسىرۋ شارالارىنا قاتىسۋعا اتتانعان بولاتىن. ولاردىڭ ىشىندە بۇۇ-عا قاتىستى، بىراق ۇكىمەتتىك ەمەس بىرنەشە ۇيىمداردىڭ وكىلدەرى دە وسى شارالارعا قاتىسقان.

وتكەن اپتادا كابۋلدەن الماتىعا بۇۇ-نىڭ جۇزدەگەن قىزمەتكەرلەرى جەتكىزىلگەن بولاتىن. ولار قاۋىپسىز رەجيمدە جۇمىس جاساۋى ءۇشىن قازاقستان تاراپى كومەگىن كورسەتتى. اۋعانستاندا تاليبان راديكالدى قوزعالىسىنىڭ كۇش الىپ كەتۋى بۇۇ-نىڭ دا نەگىزگى ميسياسىنىڭ ىسكە اسۋىنا كەدەرگى جاسادى.

اۋعان بيلىگى مەن تاليباننىڭ اراسىندا ءجۇرىپ جاتقان قاقتىعىستاردىڭ كەزىندە ەلدە بۇۇ-نىڭ 3000-داي قىزمەتكەرى جۇمىس ىستەگەن بولاتىن.

 

بەكبولات قارجان،

"ادىرنا" ۇلتتىق پورتالى 

پىكىرلەر