مىڭداعان اۋعاندىقتار پاندجشير گۋبەرناتورى كەڭسەسى الدىندا تالىپتەردىڭ «كىناسىز ازاماتتى» ولتىرۋىنە قارسى نارازىلىق شەرۋىن وتكىزدى، دەپ حابارلايدى "ادىرنا" ۇلتتىق پورتالى.
دەمونسترانتتار تاليبان كۇشتەرى پاندجشير پروۆينتسياسىنىڭ اناۆا قالاسىندا جازىقسىز بەيبىت تۇرعىندى اتىپ ولتىرگەنىن ايتتى. پاندجشير قاۋىپسىزدىك باسقارماسىنىڭ باسشىسى ابدۋل حاميد حۋراساني تۇرعىنداردىڭ ءبىرىن جالعان اقپاراتتىڭ كەسىرىنەن تالىپتەردىڭ ولتىرگەنىن راستادى.
نارازىلىق بىلدىرۋشىلەر تالىپتەر ادىلدىك ءۇشىن كۇرەسىپ، كىنالىلەردى جاۋاپقا تارتۋى كەرەك دەپ سانايدى. وسىدان كەيىن اۋعانستان يسلام امىرلىگىنىڭ باسشىلىعى حالىققا مۇنداي قۇقىقبۇزۋشىلىققا بارعان ءاربىر ادام جاۋاپقا تارتىلادى دەپ ۋادە بەردى.
«ونى قاۋىپسىزدىك كۇشتەرى العان دۇرىس ەمەس اقپارات نەگىزىندە ءولتىردى. حالىق نارازىلىق ءبىلدىرىپ، اكىمدىككە كەلدى. يسلام امىرلىگىنىڭ باسشىلىعى حالىققا مۇنداي ارەكەتكە بارعان كەز كەلگەن ادام جاۋاپقا تارتىلاتىنىنا ۋادە بەردى»، - دەلىنگەن ۆەدومستۆو باسشىسى حابارلامادا.
ءحۋراسانيدىڭ ايتۋىنشا، جەرگىلىكتى شەنەۋنىكتەردىڭ نارازىلىق بىلدىرۋشىلەرمەن سويلەسكەنى جانە نارازىلىق 26 جەلتوقسان كۇنى كەشكە اياقتالعانى بەلگىلى بولدى.
"ادىرنا" ۇلتتىق پورتالى
