Talıban radıkaldy qozǵalsynyń ókilderi Túrkııadan aýǵandyq jáne sheteldik azamattar tolyq evakýaııalanǵannan keıin Kabýl áýejaıyna kúrdeli jóndeý jumystaryn, tehnıkalyq qyzmetti rettep, basqarý menedjmentin qalyptastyryp, júrgizip berýdi suranyp, ótinish joldady. Bul aqparat jaıynda Reuters arnaıy habarlady.
Túrkııalyq sheneýnikterdiń Reuters-ke bergen suhbatynda Talıban radıkaldy qozǵalysynyń ókilderiniń Kabýlden sheteldik áskerıler men evakýaııalanatyn turǵyndar shyǵyp ketkennen keıin Kabýl áýejaıyna tehnıkalyq kómek pen basqarý menedjmentin jańartý boıynsha kómek jaıynda aqyldasqany belgili boldy.
«Talıban qozǵalysynyń ókilderi asa qıyn jaǵdaıda Kabýl áýejaıynyń tehnıkalyq jáne basqarý menedjmentiniń qyzmetin damytý boıynsha kómek surady. Al, Túrkııa tarapy Kabýl áýejaıyna arnaıy áskerıler kirgizip, qyzmet júıesin rettemese, bul Túrkııa azamattary úshin qaýipti ári óte táýekeldi talap etetin sharýa» dedi, túrkııalyq sheneýnikter.
Biraq, Kabýlden sheteldik áskerıler men azamttar shyǵyp ketkennen keıin eki tarap bul máseleni ózara aqyldasatynyn aıtty.
Bekbolat QARJAN,
"Adyrna" ulttyq portaly
