كەنەسارى حاننىڭ باس سۇيەگى تابىلدى

1793

Orda.kz پورتالىنا ءۇش تاۋەلسىز دەرەككوز كەنەسارى حاننىڭ باس سۇيەگىنىڭ ىلەسپە قۇجاتتارعا سايكەس تابىلعانىن جانە گەنەتيكالىق ساراپتامادان كەيىن قازاقستانعا قايتارىلاتىنىن راستادى، دەپ حابارلايدى «ادىرنا» ءتىلشىسى.

سوڭعى قازاق حانى كەنەسارىنىڭ باس سۇيەگى ومبى قالاسىنداعى مۋزەيلەردىڭ بىرىنەن تابىلعان. ونىڭ تۇپنۇسقالىعىن قۇجاتتار، اتاپ ايتقاندا ەكسپوناتتىڭ تولقۇجاتى راستاپ وتىر. دەسە دە، زەرتتەۋشىلەر قازىر جۇرگىزىلىپ جاتقان گەنەتيكالىق ساراپتامانىڭ ماڭىزى زور ەكەنىن اتاپ ءوتتى. ول اياقتالىپ، وڭ ناتيجە بولعان جاعدايدا تاريحي تابىس رەسمي تۇردە جاريالاناتىن بولادى. ياعني، سوڭعى جانە شەشۋشى ءسوزدى گەنەتيكتەر ايتادى.  مامانداردىڭ ساراپتاماسى مۇراجايلاردىڭ بىرىنەن تابىلعان باس سۇيەكتىڭ شىنىمەن دە قازاق حاندىعىنىڭ سوڭعى حانى، ابىلاي حاننىڭ نەمەرەسى كەنەسارى قاسىمۇلىنا تيەسىلى ەكەنىن زاڭداستىرادى جانە تۇپكىلىكتى راستايدى.

ايتا كەتەيىك، حاننىڭ باس سۇيەگى بىرنەشە جىلدار بويى كوپتەگەن قوعامدىق ۇيىمنىڭ ءوتىنىشى بويىنشا ىزدەلىپ جاتىر.

«ادىرنا» ۇلتتىق پورتالى

پىكىرلەر
رەداكتسيا تاڭداۋى