Kenesary hannyń bas súıegi tabyldy

3392
Adyrna.kz Telegram

Orda.kz portalyna úsh táýelsiz derekkóz Kenesary hannyń bas súıeginiń ilespe qujattarǵa sáıkes tabylǵanyn jáne genetıkalyq saraptamadan keıin Qazaqstanǵa qaıtarylatynyn rastady, dep habarlaıdy «Adyrna» tilshisi.

Sońǵy qazaq hany Kenesarynyń bas súıegi Omby qalasyndaǵy mýzeılerdiń birinen tabylǵan. Onyń túpnusqalyǵyn qujattar, atap aıtqanda eksponattyń tólqujaty rastap otyr. Dese de, zertteýshiler qazir júrgizilip jatqan genetıkalyq saraptamanyń mańyzy zor ekenin atap ótti. Ol aıaqtalyp, oń nátıje bolǵan jaǵdaıda tarıhı tabys resmı túrde jarııalanatyn bolady. Iaǵnı, sońǵy jáne sheshýshi sózdi genetıkter aıtady.  Mamandardyń saraptamasy murajaılardyń birinen tabylǵan bas súıektiń shynymen de Qazaq handyǵynyń sońǵy hany, Abylaı hannyń nemeresi Kenesary Qasymulyna tıesili ekenin zańdastyrady jáne túpkilikti rastaıdy.

Aıta keteıik, hannyń bas súıegi birneshe jyldar boıy kóptegen qoǵamdyq uıymnyń ótinishi boıynsha izdelip jatyr.

«Adyrna» ulttyq portaly

Pikirler