ءدال قازىر كابۋلدەن 150 شاقىرىم سولتۇستىك-شىعىستا ورنالاسقان پاندجشەر جازىعىندا تاليبان راديكالدى جاساقتارى مەن احماد ماسۋد اسۋكرلەرىنىڭ اراسىندا قاقتىعىس باستالدى. 1990 جىلى ءدال وسى جەردە احماد ماسۋدتىڭ اكەسى، داڭقتى اۋعان اسكەري قولباسشىسى احماد شاح ماسۋد تاليباندارمەن قاقتىعىسقا تۇسكەن ەدى. ءدال قازىر كەزەك ونىڭ بالاسىنىڭ باسىنا كەلىپ وتىر.
احماد ماسۋد قازىر تاليبان راديكالدى قوزعالىسىنىڭ وكىلدەرى ءۇشىن كوزدىڭ قۇرتىنداي بولىپ وتىر. ونىڭ كومانداسىنا بۇگىن پاندجشەر جازىعىنىڭ ۆيتسە-پرەزيدەنتى امرۋللا سالەح پەن قورعانىس سالاسىنىڭ ەكس-ءمينيسترى بيسميللا موحامماد كەلىپ قوسىلدى.
امرۋللا سالەح ءوزىن قازىر اۋعانستاننىڭ قاشىپ كەتكەن پرەزيدەنتى اشراف عانيدىڭ ورنىنداعى ۋاقىتشا باسشىمىن دەپ جاريالادى. بۇگىنگى تۆيتتەردەگى جازباسىندا: «تالىپتەر پاندجشەرگە باسىپ كىردى، ونىمەن قويماي ولار انداراب جازىعىنا دا جەتۋى مۇمكىن. وسى جولى كىمدەردىڭ زيان شەگەتىنىن كوزدەنىڭمەن كورەسىڭدەر. ءبىز سالاگان تاس جولىن جاۋىپ تاستادىق» دەپ مالىمدەدى.
احماد ماسۋد پەن ونىڭ جاقتاستارى تاليبانمەن كەلىسىمگە كەلەتىن بولىپ شەشىم جاساماق بولىپ ەدى، بىراق ماسۋدتىڭ جاقتاستارى اقىرىنا دەيىن سوعىسامىز دەپ بەكىنىپ وتىر. قازىر احماد ماسۋدتىڭ قاتارىنداعى تاليبان راديكالدى قوزعالىسىنا قارسى سوعىسۋعا دايىن وتىرعان 6000 ساربازدىڭ ىشىندە تالىپتەردىڭ ماسۋدقا بەرىلگەن جاساقتارى، پۋشتۋندار، تاجىكتەر دە بار.
دەگەنمەن اۋعان ساربازدارى مەن تاليبانداردىڭ اراسىنداعى كۇش تەڭ ەمەس. احماد ماسۋدتىڭ ساربازدارىنا تاۋەلسىزدىك ءۇشىن قاقتىعىستاردى ەرلىكپەن اتقارۋىنا تۋرا كەلىپ تۇر. ماسۋد قازىر ساربازدارىن ۇلى كۇرەس جولىندا رۋحتاندىرۋمەن كەلەدى.
بەكبولات قارجان،
«ادىرنا» ۇلتتىق پورتالى
