اۋعانستان بيلىگىن باسىپ الىپ، بيلىككە كەلگەن تاليبان راديكالدى قوزعالىسىنىڭ كوسەمدەرى اۋعانستانداعى 150-گە تارتا باق-تىڭ جۇمىسىن توقتاتىپ تاستادى. بۇل جايىندا Tolo News اقپاراتتىق اگەنتتىگى حابارلادى.
جۇمىسىن توقتاتقان باق-تاردىڭ قاتارىنا باسپا جۇمىستارى، راديوستانتسيالار، تەلەارنالار، ماسس-مەديا سالالارى، ەكونوميكالىق ماسەلەلەردى كوتەرەتىن اقپاراتتىق ورتالىقتار كىردى.
ال، تالىپتەر بولسا ەلدىڭ ەكونوميكاسىنىڭ جاڭا رەفورمالارىن جاسايمىز دەپ جاتىر. بىراق تالىپتەردىڭ باس-كوزسىز ارەكەتتەرىنەن جەكەلەگەن باق-تار قولداۋسىز، قاراجاتسىز قالدى. اۋعانستانداعى الەۋمەتتىك-ەكونوميكالىق ماسەلەلەردى اۋقىمدى ەتىپ كوتەرەتىن بىردەن ءبىر ارنا Inakas تەلەارناسى بولاتىن. قازىر بۇل ارنا دا قارجىلىق قىسىمعا تاپ بولىپ، ءوزىنىڭ جۇمىسىن توقتاتتى.
اۋعانستانداعى باق-تاردى قولداۋشى حالىقارالىق ۇيىمدار ەگەر دە بۇل جاعداي جالعاسىن تابا بەرسە، وندا اۋعان جەرىندەگى باسقا دا باق-تار جابىلىپ، مەملەكەت جابىق رەجيمگە كوشەدى دەپ شۋلاپ جاتىر.
"ادىرنا" ۇلتتىق پورتالى
