Dál qazir Kabýlden 150 shaqyrym soltústik-shyǵysta ornalasqan Pandjsher jazyǵynda Talıban radıkaldy jasaqtary men Ahmad Masýd ásýkrleriniń arasynda qaqtyǵys bastaldy. 1990 jyly dál osy jerde Ahmad Masýdtyń ákesi, dańqty aýǵan áskerı qolbasshysy Ahmad Shah Masýd Talıbandarmen qaqtyǵysqa túsken edi. Dál qazir kezek onyń balasynyń basyna kelip otyr.
Ahmad Masýd qazir Talıban radıkaldy qozǵalysynyń ókilderi úshin kózdiń qurtyndaı bolyp otyr. Onyń komandasyna búgin Pandjsher jazyǵynyń vıe-prezıdenti Amrýlla Saleh pen Qorǵanys salasynyń eks-mınıstri Bısmılla Mohammad kelip qosyldy.
Amrýlla Saleh ózin qazir Aýǵanstannyń qashyp ketken prezıdenti Ashraf Ǵanıdyń ornyndaǵy ýaqytsha basshymyn dep jarııalady. Búgingi tvıtterdegi jazbasynda: «Tálipter Pandjsherge basyp kirdi, onymen qoımaı olar Andarab jazyǵyna da jetýi múmkin. Osy joly kimderdiń zııan shegetinin kózdenińmen kóresińder. Biz Salagan tas jolyn jaýyp tastadyq» dep málimdedi.
Ahmad Masýd pen onyń jaqtastary Talıbanmen kelisimge keletin bolyp sheshim jasamaq bolyp edi, biraq Masýdtyń jaqtastary aqyryna deıin soǵysamyz dep bekinip otyr. Qazir Ahmad Masýdtyń qataryndaǵy Talıban radıkaldy qozǵalysyna qarsy soǵysýǵa daıyn otyrǵan 6000 sarbazdyń ishinde tálipterdiń Masýdqa berilgen jasaqtary, pýshtýndar, tájikter de bar.
Degenmen aýǵan sarbazdary men Talıbandardyń arasyndaǵy kúsh teń emes. Ahmad Masýdtyń sarbazdaryna táýelsizdik úshin qaqtyǵystardy erlikpen atqarýyna týra kelip tur. Masýd qazir sarbazdaryn uly kúres jolynda rýhtandyrýmen keledi.
Bekbolat QARJAN,
«Adyrna» ulttyq portaly
