الماتىعا تالىپتەر كەلە جاتىر. بۇل تۋرالى اۋعانستاننىڭ Tolonews باسىلىمى جاريالادى، دەپ حابارلايدى “ادىرنا” ۇلتتىق پورتالى.
رەسۋرس مالىمەتىنە سايكەس، ولار الماتىدا كورمە وتكىزۋدى جوسپارلاپ وتىر. اۋعان كورمەسى شامامەن 20 كۇننەن كەيىن ۇيىمداستىرىلادى.
«اۋعانستان دەلەگاتسياسىنىڭ قازاقستانعا ساپارى اياسىندا اۋعانستان ەكونوميكاسىنىڭ ءتۇرلى سالالارىنان 250-دەن استام كاسىپكەر ءوز تاۋارلارى مەن قىزمەتتەرىن ۇسىناتىن اۋقىمدى بيزنەس-فورۋم وتەدى»، - دەلىنگەن حابارلامادا.
اۋعانستاننىڭ يندۋستريا جانە ساۋدا ءمينيسترىنىڭ مىندەتىن اتقارۋشى نۋرۋددين ازيزيءدىڭ ايتۋىنشا، قازاقستاننىڭ ءىرى قالاسىنا كورمەگە شامامەن 300 دەلەگات كەلەدى. ولاردىڭ قاتارىندا اۋعانستان بيلىگىنىڭ وكىلدەرى مەن كاسىپكەرلەر بولادى.
«ەگەر كومپانيا نەمەسە ەل ءوز ءونىمىن الەمدىك نارىقتاردا تانىستىرعىسى كەلسە، كورمەلەرگە قاتىسۋى قاجەت. بۇل كورمە قازاقستاندا وتە ماڭىزدى»، – دەپ اتاپ ءوتتى اۋعانستاننىڭ ساۋدا-ينۆەستيتسيالىق پالاتاسىنىڭ ديرەكتورلار كەڭەسىنىڭ مۇشەسى حانجان الوكوزاي.
اۋعانستان بۇعان دەيىن وسىنداي كورمەلەردى وزبەكستاندا، تۇرىكمەنستاندا جانە قىتايدا وتكىزگەن. قىتاي حالىق رەسپۋبليكاسىندا ول جاقىندا عانا (شىلدە ايىنىڭ سوڭىندا) ءوتىپ، التى كۇنگە سوزىلدى.
