اۋعانستاننىڭ پاندجشەر پروۆينتسياسىندا تاليبان راديكالدى قوزعالىسىنىڭ جاساقتارى مەن اۋعان ساربازدارىنىڭ اراسىندا قاقتىعىس ءجۇرىپ جاتىر. اۋعانستان قورعانىس ءمينيسترى احماد ماسۋد باتىس ەلدەرىنەن اۋعان ساربازدارىنا قارۋ بەر دەپ ءوتىنىش جاسادى. احماد ماسۋدتىڭ جاساعان ءوتىنىشىن Washington Post جارىققا شىعاردى.
Washington Post ءوزىنىڭ ماقالاسىندا احماد شاح ماسۋدتى اۋعان حالقىنىڭ ەرجۇرەك باتىرى، ناعىز كوشباسشى دەپ اتادى.
احماد شاح ماسۋد "امەريكا دەموكراتيانىڭ ۇلى ارسەنالى، ءبىز امەريكاعا سەنەمىز! اقش ءبىزدىڭ ەلدەن كەتسە دە، بىزگە كومەك بەرە الاتىنىن سەنەمىز" دەپ ۇندەۋ تاستادى. قازىر احماد شاح ماسۋدتىڭ قول استىندا اۋعانستاننىڭ تاۋەلسىزدىگى ءۇشىن جانىن قيۋعا دايىن 10 مىڭ سارباز ۇرىسقا قاتىسىپ جاتىر.
احماد شاح ماسۋد اۋعانستاننىڭ تاۋەلسىزدىك جولىندا اقىرعى دەمىم قالعانشا كۇرەسەمىز دەپ ساربازدارىن جىگەرلەندىرۋدە.
ءوزىنىڭ سوزىندە احماد شاحا ماسۋد:
ء"بىزدىڭ رۋحىمىزدى ەشكىم دە قۇتالا المايدى. ءبىزدىڭ اسكەري رۋحىمىزعا ەشكىم دە زيان كەلتىرە المايدى. ءبىر اۋعانستاندى تالىپتەردەن ازات ەتەمىز. بىزگە تەك قارۋ كەرەك. بىزگە اسكەري بازالار كەرەك" دەدى.
ەل پرەزيدەنتى اشراف عاني ەلدەن كەتكەننەن كەيىن، اۋعانستاندا احماد شاح ماسۋد باستاعان اۋعاندىق اسكەري كۇشتەر تاليبانداردىڭ بيلىگىن مويىنداماي، وزدىگىنەن بەرىلۋدەن باس تارتىپ، كۇرەستى جالعاستىرىپ جاتىر.
"ادىرنا" ۇلتتىق پورتالى
