رەسەي بۇۇ-نىڭ ادام قۇقىقتارى جونىندەگى كەڭەسىنەن وكىلەتتىگىن مەرزىمىنەن بۇرىن توقتاتادى، دەپ حابارلادى وسى ەلدىڭ ۇيىم جانىنداعى تۇراقتى وكىلىنىڭ ورىنباسارى گەننادي كۋزمين باس اسسامبلەيا وتىرىسىندا، دەپ حابارلايدى “ادىرنا” ۇلتتىق پورتالى.
كۋزميننىڭ ايتۋىنشا، وكىلدىك 7 ساۋىردەن باستاپ، كەڭەستەگى ءوز جۇمىسىن توقتاتادى.
«رەسەي تاراپى بۇۇ باس اسسامبلەياسى قابىلداعان رەسەيدىڭ بۇۇ اقك مۇشەلىگىن توقتاتۋ تۋرالى رەزوليۋتسياسىن تاۋەلسىز ىشكى جانە سىرتقى ساياساتتى ۇستاناتىن بۇۇ-عا مۇشە ەگەمەن مەملەكەتتى قايسارلىقپەن جازالاۋ ماقساتىندا جاسالعان زاڭسىز جانە ساياسي استارلى قادام دەپ سانايدى»، - دەدى ديپلومات.
رەسەيدىڭ بۇۇ ادام قۇقىقتارى جونىندەگى كوميتەتىندەگى مۇشەلىگىن توقتاتۋ تۋرالى قاراردى 93 مەملەكەت قولداپ، 24 مەملەكەت قارسى بولىپ، 58 وكىل قالىس قالدى. قۇجاتتى باتىس ەلدەرىنىڭ توبى دايىندادى، ولاردىڭ اراسىندا اقش پەن ۋكراينا دا بار.
“ادىرنا” ۇلتتىق پورتالى
