14 قاراشادا كابۋلدا «تاليبان» قوزعالىسى امەريكاندىق جانە رەسەيلىك تىكۇشاقتاردىڭ تروفەيلىك برونەترانسپورتەرلەرىن قولدانا وتىرىپ اسكەري شەرۋ وتكىزدى، دەپ حابارلايدى "ادىرنا" ۇلتتىق پورتالى Reuters-كە سىلتەمە جاساي وتىرىپ.
شەرۋگە ونداعان امەريكاندىق m117 قۇرىشپەن قاپتالعان ماشينالارى، مي-17 تىكۇشاقتارى قاتىستى. كوپتەگەن ساربازدار امەريكاندىق M4 اۆتوماتتارىمەن قارۋلانعان.
قورعانىس مينيسترلىگىنىڭ رەسمي وكىلى ەناياتۋللا حورەزميدىڭ مالىمدەۋىنشە، بۇل شەرۋ جاڭادان دايىندالعان 250 ساربازدىڭ شىعارىلۋىمەن تۇسپا-تۇس كەلگەنىن جانە "تاليباننىڭ" كوتەرىلىسشىلەر كۇشىنەن تۇراقتى ارمياعا اينالعانىن كورسەتتى.
ايتا كەتەيىك، بۇعان دەيىن باق "تاليبان" ولجالارىن ەسەپتەپ، اۋعانستانداعى بيلىكتى باسىپ العاننان كەيىن توپتىڭ اسكەري الەۋەتىن باعالاعان بولاتىن. اقش بارلاۋ قىزمەتىنىڭ الدىن-الا باعالاۋى بويىنشا، سودىرلاردىڭ قولىندا 2 مىڭ دوڭعالاقتى بروندى تەحنيكا، HMMWV ارميالىق جول تالعامايتىن كولىكتەر جانە 40-تان استام ۇشاق، سونىڭ ىشىندە UH-60 Black Hawks تىكۇشاقتارى مەن ScanEagle دروندارى بار.
"ادىرنا" ۇلتتىق پورتالى
