الماتى قالاسىنداعى دۋلاتي كوشەسىندە، ەكوكوپىردەن جوعارى ورنالاسقان المااراسان شاتقالىندا ءورت بولدى دەپ حابارلايدى "ادىرنا" ۇلتتىق پورتالى.
الماتى قالاسىنىڭ توتەنشە جاعدايلار دەپارتامەنتىنىڭ حابارلاۋىنشا، ءورت وقيعاسى ورنىنا الماتى قالالىق توتەنشە جاعدايلار دەپارتامەنتىنىڭ تابيعي ءورتتى ءسوندىرۋ جاساعى، سونداي-اق ىلە الاتاۋى ۇلتتىق ساياباعىنىڭ قىزمەتكەرلەرى جىبەرىلگەن. تاۋ بوكتەرىنىڭ بيىك بولۋى سەبەپتى ءورت سوندىرۋشىلەر ءورت وشاعىنا جاياۋ بارعان.
وقيعا ورنىنا كەلىپ جەتكەندە، ونداعى قۋراعان ءشوپ، بۇتا ورتەنىپ جاتقانى انىقتالدى. قولدانعان شارالاردىڭ ارقاسىندا جالىن ءبىر ساعاتقا جەتپەي ءسوندىرىلدى، ءورت 5 شارشى مەتر اۋماققا تاراعان.
ورتپەن كۇرەس جۇمىستارىنا ىلە الاتاۋى ۇلتتىق ساياباعىنىڭ 24 قىزمەتكەرى، 4 تەحنيكا، توتەنشە جاعدايلار دەپارتامەنتىنىڭ جەكە قۇرامىنىڭ 25 قىزمەتكەرى مەن 5 تەحنيكاسى جۇمىلدىرىلعان.
"ادىرنا" ۇلتتىق پورتالى.
