Almaty qalasyndaǧy Dulati köşesınde, ekoköpırden joǧary ornalasqan Almaarasan şatqalynda ört boldy dep habarlaidy "Adyrna" ūlttyq portaly.
Almaty qalasynyŋ tötenşe jaǧdailar departamentınıŋ habarlauynşa, ört oqiǧasy ornyna Almaty qalalyq tötenşe jaǧdailar departamentınıŋ tabiǧi örttı söndıru jasaǧy, sondai-aq Ile Alatauy Ūlttyq saiabaǧynyŋ qyzmetkerlerı jıberılgen. Tau bökterınıŋ biık boluy sebeptı ört söndıruşıler ört oşaǧyna jaiau barǧan.
Oqiǧa ornyna kelıp jetkende, ondaǧy quraǧan şöp, būta örtenıp jatqany anyqtaldy. Qoldanǧan şaralardyŋ arqasynda jalyn bır saǧatqa jetpei söndırıldı, ört 5 şarşy metr aumaqqa taraǧan.Örtpen küres jūmystaryna Ile Alatauy Ūlttyq saiabaǧynyŋ 24 qyzmetkerı, 4 tehnika, tötenşe jaǧdailar departamentınıŋ jeke qūramynyŋ 25 qyzmetkerı men 5 tehnikasy jūmyldyrylǧan.
"Adyrna" ūlttyq portaly.
Ūqsas jaŋalyqtar
