تاراز قالاسىنداعى №54 مەكتەپتىڭ 10-سىنىپ وقۋشىسى قىدىرالى قىزداربەك ناعىز ەرلىك جاساپ، بەيبىت كۇننىڭ قاھارمانى اتاندى، دەپ حابارلايدى “ادىرنا” ۇلتتىق پورتالى.
بۇل تۋرالى Halyqstan تەلەگرام ارناسى حابارلادى.
وقيعا 15-شاعىناۋدانداعى كوپقاباتتى ۇيدە بولعان. مەكتەپتەن قايتىپ كەلە جاتقان قىدىرالى بەسىنشى قاباتتاعى پاتەردەن شىعىپ جاتقان ءتۇتىندى بايقاپ، بىردەن كومەككە ۇمتىلعان.
كۋاگەرلەردىڭ ايتۋىنشا، ادامدار سىرتقا قاشىپ جاتقان ساتتە قىدىرالى ەش ويلانباستان پودەزگە جۇگىرىپ كىرىپ كەتكەن. ورتەنىپ جاتقان پاتەردە بىرەۋى بەسىكتە جاتقان، ەكىنشىسى ويناپ جۇرگەن ەكى بالا بولعان. ءجاسوسپىرىم ەكەۋىن دە قۇتقارىپ، بالالاردىڭ اناسىمەن قاۋىشتىردى.
“ول بالالاردى كوتەرىپ الىپ شىقتى. كەيىن تاعى بىرەۋ قالىپ قويعان جوق پا دەپ، قايتا كىرىپ شىقتى. بۇل ۇلكەن ەرلىك!” — دەيدى تۇرعىندار.
ءورت سوندىرۋشىلەر كەلگەن سوڭ قىدىرالى ەش داڭق كۇتپەستەن ۇيىنە قايتىپ كەتكەن.
