13-جەلتوقسانعا قاراعان ءتۇنى ەلدىڭ وڭتۇستىك جانە ورتالىق وڭىرلەرىندە جىلۋ قۇبىرلارى جارىلىپ، حالىق سۋسىز قالىپ، اپاتتى جاعدايلارعا تاپ بولدى، دەپ حابارلايدى "ادىرنا" پورتالى.
وتكەن تاۋلىكتە قۇتقارۋشىلار ەلدىڭ بۇكىل وڭىرىندە 311 مارتە حالىققا كومەككە كەلگەن.
جالپى سانى 147 ادام قۇتقارىلىپ، ەۆاكۋاتسيالاندى، ونىڭ ىشىندە 13 بالا بار.
قاراعاندى وبلىسى
«ۆەچەرنيايا كاراگاندا» رەسۋرسىنىڭ مالىمەتىنشە، قاراعاندى وبلىسىنىڭ ساران قالاسىندا گاز باللونى جارىلعان. جەر ءۇيدىڭ يەسى قاتىپ قالعان باللوندى جىلىنا بەرسىن دەپ پەشتىڭ جانىنا قويىپ كەتكەن. سالدارىنان گاز جارىلىپ، ءۇي تۇرۋعا جارامسىز كۇيگە تۇسكەن.
ال تەمىرتاۋدا ماماندار قاتىپ قالعان سۋ قۇبىرىن جوندەپ جاتىر. كەشە تۇندە ديامەترى 300 مم بولاتىن ماگيسترال قاتىپ قالعان.
«تەمىرتاۋدا سۋ قۇبىرى قاتىپ قالدى. قالانىڭ شىعىس بولىگى اۋىز سۋسىز قالدى. بۇل بىرنەشە بلوكتار، ءىشىنارا اباي جانە چايكوۆسكي كوشەلەرى، 21 مەكتەپ، 3 قالالىق اۋرۋحانا، بالالار اۋرۋحاناسى، 1 ەمحانا، اۋباكىروۆ اتىنداعى گيمنازيا دا اۋىز سۋسىز وتىر. جۇمىسشىلار بريگادالارى قازىر قۇبىرلاردى جەدەل تۇردە جىلىتۋدا. تۇرعىندار اۋىز سۋدىڭ جوقتىعىن ايتىپ شاعىمدانۋدا. دۇكەندەردەگى بوتەلكەلەردەگى سۋلار دا ساتىلىپ كەتتى»، - دەلىنگەن حابارلامادا.
جامبىل وبلىسى
13-جەلتوقسانعا قاراعان ءتۇنى جامبىل وبلىسىندا ماگيسترالدى گاز قۇبىرى جارىلىپ، 5 ەلدى مەكەندەگى 980 ءۇي جىلۋسىز قالدى.
ناقتىلار بولساق، جامبىل وبلىسىنداعى قىزىلقاينار، جاسوركەن، جالپاقتوبە، قىزىلديحان، گرودەكوۆو اۋىلدارىنىڭ تۇرعىندارى گازسىز قالدى.
سونداي-اق، جامبىل وبلىسىندا دا قار قۇرساۋىندا قالعان باقتاشىلار امان-ەسەن تابىلدى
12 جەلتوقسانى كۇنى ساعات 00:24 شاماسىندا پوليتسيا بولىمىنە شۋ اۋدانى كوكقاينار اۋىلىنان 15 شاقىرىم جەردە شارۋا قوجالىقتاردىڭ بiرiنەن 2 مالشىسى اداسىپ، جوعالىپ كەتكەنى تۋرالى حابار تۇسكەن بولاتىن.
پوليتسيا قىزمەتكەرلەرى، اۋدان اكىمدiگi مەن توتەنشە جاعداي ماماندارى، جەرگىلىكتى تۇرعىندار ارنايى تەحنيكانىڭ كومەگىمەن ءىز كەسۋگە شىققان.
«جەدەل-ىزدەستىرۋ جۇمىستارىنىڭ ناتيجەسىندە تۇنگى ساعات 3:00 كەزىندە مالشىلار جانە قاراۋىنداعى مالدارى امان-ەسەن تابىلدى. قۇتقارىلعان ازاماتتاردىڭ جاعدايى بىرقالىپتى، مەديتسينالىق كومەكتى قاجەت ەتپەدى»، — دەدى شۋ اۋدانى پوليتسيا ءبولىمىنىڭ باستىعى پوليتسيا پودپولكوۆنيگى دiنمۇحامبەت قويتوريەۆ.
تۇركىستان وبلىسى
وتكەن تۇندە تۇركىستان وبلىسىندا قاتتى ايازدان جولدار جابىلىپ، بۇگىن مەكتەپتەر قاشىقتان وقۋعا كوشتى.
وبلىستىڭ تاۋلى ايماقتارىندا بۇرقاسىن جەل باستالىپ، كۇن رايى كۇرت وزگەرگەن.
بايدىبەك پەن تۇلكىباس اۋداندارىن بايلانىستىراتىن جول، «باتىس-ەۋروپا-باتىس-قىتاي» تراسساسى، قوشقاراتا-جارىقباس-بىرلىك، شايان-اعىبەت-شاقپاق، كوكسايەك-اقسۋ-مىڭبۇلاق باعىتىنداعى جولدار جابىلعان.
«ءتارتىپ ساقشىلارى تۇرعىنداردىڭ قاۋىپسىزدىگى ءۇشىن ۇزدىكسىز قىزمەتتى جالعاستىرادى جانە تۇرعىندارعا ۇزاق جولعا شىقپاۋعا كەڭەس بەرەدى»، — دەلىنگەن تۇركىستان وبلىسى پوليتسيا دەپارتامەنتىنىڭ ءباسپاسوز قىزمەتى تاراتقان اقپاراتتا.
قىزىلوردا وبلىسى
قىزىلوردا وبلىسىندا بوراندى كۇنى مال ىزدەۋگە شىققان 16 جاسار ءجاسوسپىرىم جوعالىپ، امان تابىلدى.
وڭىردە 11 جەلتوقسان كۇنى اۋا رايى كۇرت وزگەرىپ، 25 گرادۋسقا دەيىن سۋىتقان.
سول كۇنى كۇندىزگى ساعات 10:00 شاماسىندا 46 جاستاعى ازامات 16 جاسار ۇلىمەن بىرگە جالاعاش اۋدانىنا قاراستى جاڭاداريا اۋىلىنان 20 شاقىرىم قاشىقتىقتا ورنالاسقان اقشوقى ۋچاسكەسىندە فازەندادان ەكى جاققا ءبولىنىپ، مال ىزدەۋگە شىققان.
ساعات 14:00 شاماسىندا اكەسى فازەنداعا قايتا ورالىپ، بالاسىنىڭ فازەنداعا ءالى كەلمەگەنىن بىلەدى. العاشقىدا اۆتوكولىكپەن ۇلىن ىزدەۋگە ءوزى شىعادى. ارەكەتى ءساتسىز بولىپ، ول پوليتسياعا جۇگىنۋگە ءماجبۇر بولعان.
ءجاسوسپىرىمدى ىزدەستىرۋگە جالاعاش اۋداندىق پوليتسيا ءبولىمىنىڭ جەكە قۇرامى دەرەۋ جۇمىلدىرىلدى.
پوليتسەيلەر، توتەنشە جاعداي دەپارتامەنتىنىڭ قىزمەتكەرلەرى، اۋىل تۇرعىندارى مەن ەرىكتىلەردەن ارنايى توپ قۇرىلدى.
اۋداننىڭ بارلىق اۋىلى، دالالىق جولدار تۇگەل قامتىلدى. ىزدەستىرۋ شارالارىنىڭ ناتيجەسىندە جوعالعان بالا تۇنگى ساعات 2:00–دە جالاعاش اۋدانى جاڭاداريا اۋىلىنا قاراستى دالالىق جەردەن سولتۇستىككە قاراي 20 شاقىرىم جەردەن تابىلدى.
الماتى قالاسى
الماتىدا قاتتى ايازدىڭ اسەرىنەن قوعامدىق كولىكتەر سىر بەرىپ جاتىر. سۋىقتان تۋىنداعان تەحنيكالىق اقاۋ سالدارىنان بىرنەشە اۆتوبۋس مارشرۋتتان الىنعان.
اكىمدىك مارشۋرتتىق اۆتوبۋستاردىڭ كەشىگۋىنە جولداعى كولىك تىعىنى دا اسەر ەتىپ جاتقانىن مالىمدەپ وتىر.
اقمولا وبلىسى
سونداي-اق بۇگىن تۇندە اقمولا وبلىسىندا 31 شەتەلدىك مىنگەن اۆتوبۋس بۇزىلىپ، جولاۋشىلار قار قۇرساۋىندا قالدى.
استانا-پەتروپاۆل تاسجولىندا بۇزىلعان اۆتوبۋستان 31 شەتەلدىك ەۆاكۋاتسيالاندى. ونىڭ ءبارى — تاجىكستان ازاماتتارى، ىشىندە ەكى بالا بار.
ەۆاكۋاتسيالانعان ادامدار كوكشەتاۋ قالاسىنداعى جىلۋ پۋنكتىنە جەتكىزىلدى.
ەستەرىڭىزگە سالا كەتەيىك، بۇعان دەيىن 9 جەلتوقساندا قۇتقارۋشىلار 28 شەتەلدىكتى ەۆاكۋاتسيالاعان ەدى.
