قازاقستان ەكونوميكاعا 300 مىڭ دوللار ينۆەستيتسيا قۇيعان شەتەلدىكتەرگە 10 جىلدىق ۆيزا بەرمەك

2613
Adyrna.kz Telegram
فوتو: Yvision
فوتو: Yvision

قازاقستان ۇكىمەتى ەل ەكونوميكاسىنا 300 مىڭ دوللار ينۆەستيتسيا سالعان شەتەلدىكتەرگە تۇرۋعا رۇقسات بەرۋدى جوسپارلاپ وتىر. بۇل جونىندە پرەمەر-ءمينيستردىڭ ورىنباسارى – ساۋدا جانە ينتەگراتسيا ءمينيسترى سەرىك جۇمانعارين مالىمدەدى، دەپ حابارلايدى “ادىرنا” ۇلتتىق پورتالى.

“قازىرگى كەزەڭدە قازاقستان ەكونوميكاسىنا 300 مىڭ دوللاردان استام ينۆەستيتسيا سالعان شەتەلدىك بيزنەسمەندەرگە تۇرۋعا رۇقسات الۋ قۇقىعىمەن 10 جىلعا ۆيزا الۋ مۇمكىندىگىن بەرۋگە باعىتتالعان زاڭ جوباسىن ازىرلەۋ جۇمىستارى جۇرگىزىلۋدە”، - دەدى جۇمانعارين "اق جول" فراكتسياسىنىڭ دەپۋتاتتىق ساۋالىنا جاۋاپ بەرىپ.

جۇمانعارين جالپى ۇكىمەت قازاقستانداعى ينۆەستيتسيالىق احۋالدى جاقسارتۋ بويىنشا تۇراقتى جۇمىس جۇرگىزىپ جاتقانىن اتاپ ءوتتى.

“رەزيدەنت ەمەس جانە قازاقستان اۋماعىندا ينۆەستيتسيالىق قىزمەتتى جۇزەگە اسىراتىن تۇلعالار 5-تەن 3 جۇمىس كۇنىنە دەيىن بەيرەزيدەنت ينۆەستورلار ءۇشىن ينۆەستورلىق ۆيزانى الۋ ءراسىمىن جەڭىلدەتۋ ماقساتىندا ينۆەستيتسيالار جانە دامۋ ءمينيسترىنىڭ بۇيرىعىنا ينۆەستورلىق ۆيزانى راسىمدەۋ مەرزىمىن رەتتەۋ جانە قىسقارتۋ بولىگىندە وزگەرىستەر مەن تولىقتىرۋلار ەنگىزىلدى”، - دەدى مينيستر.

ايتا كەتەيىك، بۇعان دەيىن پرەزيدەنت قاسىم-جومارت توقاەۆ ۇكىمەتكە رەسەيدەن كەتكەن شەتەلدىك كومپانيالاردى قازاقستانعا ورنالاستىرۋعا جاعداي جاساۋدى تاپسىرعان.

پىكىرلەر