ىستامبۇلدا جۇرگەن وزبەكتەردىڭ بىرلىگىنە ريزا بولىپ ءجۇرمىن. كوفتە، كەباپ، گوزلەمە دەگەن تۇرىكتىڭ تاماقتارىنان باسقا بىردەڭە قالاعان كەزدە قازاقستاندى ەسكە ءتۇسىرۋ ءۇشىن وزبەكتەردىڭ كافە-رەستوراندارىنا بارامىز. فاتيح دەگەن تۋريستەر كوپ جۇرەتىن رايوننىڭ وزىندە 3 كافە-رەستورانىنا باردىق (نەگىزى سانى ودان دا كوپ شىعار).
ءىشى تولعان وزبەك اعايىندار. سوسىن تۇرىكشە سويلەمەيدى، ءبارى وزبەكشەسىن ۇمىتپاعان. ارينە، وزبەكتەر قىزمەت كورسەتۋ، كارگو، ساۋدا-ساتىق سالاسىندا قازاقتاردان كوبىرەك. سونىڭ وزىندە ءبىزدىڭ قازاقتار دا از ەمەس. قىدىرىپ جۇرگەنى بار، بيزنەسمەنى مەن ستۋدەنتى، ساۋدا-ساتىق پەن ءبىر-ەكى كۇنگە سوعىپ كەتەتىنى بار مىڭداعان قازاق شىعادى.
قازاق الەمدىك دەڭگەيدە ءوزىنىڭ اسحاناسىن جاساي المادى. ەت پەن قۋىرداق دەگەن تاماقتاردى ۇيدە جەگەنمەن، كافە-رەستوراندا تەز دايىندالمايتىن، قىمبات تاماقتار. قىسقاسى، ىستامبۇلدا قازاقتىڭ ۇلتتىق تاعامدارى مەن كافە-رەستورانى جوق. ءبىزدىڭ اقشا سىرتقا كەتىپ جاتىر. وزبەكتەر پىسىق، قايدا جۇرسە دە، سول جەرگە ءسىڭىپ كەتپەي، ۇلتتىق يدەنتيفيكاتسياسىن ساقتاپ قالعان.
نۇرلان جانايدىڭ
فەيسبۋك پاراقشاسىنان
