تۇركىستان وبلىسى تولەبي اۋدانى حانارىك اۋىلى تۇرعىنىنىڭ قازاقتارعا ءتىل تيگىزگەن ۆيدەوسى الەۋمەتتىك جەلىلەرگە تاراپ، كوپتىڭ اشۋىن تۋعىزعان. بۇگىن سول ازامات ءۇشىن بۇكىل اۋىل اقساقالدارى كەشىرىم سۇرادى، دەپ حابارلايدى “ادىرنا” ۇلتتىق پورتالى.
“قۇرمەتتى قازاقستاندىقتار، ءبىر تۋعان وتانداس باۋىرلار! ۆاتساپتان تارالعان ۆيدەودان ءبارىڭىز حاباردار ەكەندەرىڭىزدى بىلەمىز. وتانداستارىمىز، باۋىرلاستارىمىز، بيلىك باسىنداعىلار ءتۇسىندىرۋ جۇمىستارىن جۇرگىزدى. ءبىر عانا جەرلەسىمىزدىڭ ىستەگەن قاتەلىگى ءۇشىن بۇكىل اۋىل بولىپ، اۋىل اقساقالدارى مەن اۋىل جاستارى بولىپ، باسىمىزدى ءيىپ تۇرىپ، كەشىرىم سۇرايمىز!”،- دەيدى بەينەجازبادا اۋىل تۇرعىندارى.
سونداي-اق، ولار ەلىمىزدىڭ تىنىشتىعى ءۇشىن قازاقستان حالقىن سابىرلىققا شاقىردى.
بەينەجازبانى Telegram ارنامىزدان قاراي الاسىز.
“ادىرنا” ۇلتتىق پورتالى
