وزبەكستان مەملەكەتى ەنەرگيا رەسۋرستارىن ۇنەمدەي باستادى. ەلدى ەنەرگيامەن قامتاماسىزداندىرۋدا قيىندىقتار تۋىپ، شەتكە سۇيىتىلعان گازدى ەكسپورتتاۋعا تىيىم سالىندى، دەپ حابارلايدى "ادىرنا" ۇلتتىق پورتالى.
وزبەكستاندا 2023 جىلدىڭ ءبىرىنشى ناۋرىزىنا دەيىن مەملەكەتتىك ورگان كولىكتەرى تولىقتاي بەنزينگە كوشەدى. بۇل ەلدەگى سۇيىتىلعان گازدىڭ ازايۋىمەن تىكەلەي بايلانىستى. شەشىم پرەزيدەنت اكىشىلىگىنىڭ جيىنىندا قابىلداندى، دەپ حابارلادى Kun.uz.
وزبەكستان بيلىگى تومەندەگىدەي بىرقاتار قارارلارعا قول قويدى. ولار:
- بارلىق وندىرۋشىلەر مەن ساۋداگەرلەرگە سۇيىتىلعان گازدى ەكسپورتتاۋعا تىيىم سالىنادى;
- حالىقتى تابيعي گازبەن قامتاماسىز ەتۋ مۇمكىن بولماعان جاعدايلاردا سۇيىتىلعان گاز جەتكىزىلەدى;
- سۋ رەسۋرستارى مينيسترلىگى جۇيەسىندەگى سورعى ستانتسيالارىنا ەلەكتر ەنەرگياسىن بەرۋدەگى ۋاقىتشا شەكتەۋلەردى جىل سوڭىنا دەيىن ۇزارتۋ;
- بەنزيننىڭ، سونداي-اق بەنزين مەن ديزەل وتىنىن وندىرۋگە ارنالعان شيكىزاتتىڭ يمپورتىن ارتتىرۋ;
- اي-80 ماركالى بەنزيننىڭ بيرجاداعى ساۋداسىنا دەلدالدىق كومپانيالاردىڭ ارالاسۋىنا جول بەرمەۋ;
- اي-80 ماركالى بەنزيننىڭ يمپورتىنا اكتسيزدى جانە ونى بولشەك ساۋدادا وتكىزۋگە اكتسيزدى ەسەپتەۋ جانە الۋ ەكى اي مەرزىمگە توقتاتىلدى;
- بيرجادا ساتىلاتىن اي-80 ماركالى بەنزيننىڭ تاۋلىكتىك كولەمى ۇلعايتىلادى.
ناقتى ايتقاندا، 2023 جىلدىڭ 1 ناۋرىزىنا دەيىن سۇيىتىلعان گازبەن جۇرەتىن جانە مەملەكەتتىك ورگاندارعا تيەسىلى كولىكتەر بەنزينگە كوشپەك.
"ادىرنا" ۇلتتىق پورتالى
