Ystambulda júrgen ózbekterdiń birligine rıza bolyp júrmin. Kofte, kebap, gozleme degen túriktiń tamaqtarynan basqa birdeńe qalaǵan kezde Qazaqstandy eske túsirý úshin ózbekterdiń kafe-restorandaryna baramyz. Fatıh degen týrıster kóp júretin raıonnyń ózinde 3 kafe-restoranyna bardyq (negizi sany odan da kóp shyǵar).
Ishi tolǵan ózbek aǵaıyndar. Sosyn túrikshe sóılemeıdi, bári ózbekshesin umytpaǵan. Árıne, ózbekter qyzmet kórsetý, kargo, saýda-satyq salasynda qazaqtardan kóbirek. Sonyń ózinde bizdiń qazaqtar da az emes. Qydyryp júrgeni bar, bıznesmeni men stýdenti, saýda-satyq pen bir-eki kúnge soǵyp ketetini bar myńdaǵan qazaq shyǵady.
Qazaq álemdik deńgeıde óziniń ashanasyn jasaı almady. Et pen qýyrdaq degen tamaqtardy úıde jegenmen, kafe-restoranda tez daıyndalmaıtyn, qymbat tamaqtar. Qysqasy, Ystambulda qazaqtyń ulttyq taǵamdary men kafe-restorany joq. Bizdiń aqsha syrtqa ketip jatyr. Ózbekter pysyq, qaıda júrse de, sol jerge sińip ketpeı, ulttyq ıdentıfıkaııasyn saqtap qalǵan.
Nurlan JANAIDYŃ
feısbýk paraqshasynan
