باتىس قازاقستان وبلىسىنا بەلگىلى سەرنىك مۋكاشەۆ – ءوڭىرىمىزدىڭ ابىرويلى ازاماتى، ەڭبەكقور ەرىكتى. ورەسى بيىك، ءور تۇلعالى جاننىڭ ەرەن ەرلىگى – بارشا قازاق دالاسى ءۇشىن ەرەكشە ابىروي.
جاقىندا اقساي قالاسىنىڭ تۇرعىنى، كىشكەنتاي ءبۇلدىرشىن – ەميردىڭ ەمىنە قاراجات جينالعان ەدى. جاس ەرىكتى ەلەۋلى ەڭبەگىمەن وزىنە ءۇي الۋعا جيناعان ميلليون قاراجاتىن ويلانباستان اۋدارعان بولاتىن.
ايتا كەتەيىك، ەمير ەسىمدى بۇلدىرشىنگە جۇلىن بۇلشىقەتىنىڭ اتروفياسى دەگەن دياگنوز قويىلعان ەدى. وتاندىق مەديتسينا وندايدى ەمدەۋگە قاۋقارسىز. سوندىقتان شەتەل اسىپ، شيپا ىزدەۋگە 1 ملرد تەڭگە كەرەك بولدى.
سەرىك مۋكاشەۆ:
«جومارتتىق – قولمەن ەمەس، جۇرەكپەن جاسالاتىن ەرەكشە ەڭبەك»
- مەنىڭ ءومىرىم تۋا سالا باقىت پەن شاتتىقتىڭ قۇشاعىندا وتپەدى. بالالار ۇيىندە ءوستىم. سوندىقتان ەڭبەكتەنۋدى جاستايىمنان بويىما ءسىڭىرىپ ءوستىم. ەرىكتى بولۋ ءۇشىن مىندەتتى تۇردە باي نەمەسە تانىمال بولۋدىڭ قاجەتى جوق. باستىسى جۇرەكتەگى جىلۋ مەن كوڭىلدەگى كوركەم مىنەز جوعالماۋى كەرەك. ماعان ەرىكتى بولۋ ەڭ اۋەلى ءتاننىڭ قانشالىقتى تۇڭعيىق، تازا بولۋ كەرەكتىگىن ۇيرەتتى.
- جۇرەكتەگى جىلۋ دەگەننەن شىعادى.ەميرگە جاساعان جاقسىلىعىڭىز ءالى كۇنگە دەيىن كوپتىڭ اۋزىندا ءجۇر. ءسىز سەكىلدى جومارت جۇرەكتىڭ يەسى اتانۋ ءۇشىن ادام بويىندا قانداي «ومىرلىك داعدى» بولۋى كەرەك؟
مەن بالالار ۇيىنەن شىققانداردى ءۇي كەزەگىنە تۇرۋعا كومەكتەسىپ ءجۇرمىن. ءالى ءتۇرلى جابدىقتار الىپ بەرۋ جوسپارىمدا بار. قولىمنان كەلگەنشە ءبىر ورىندا تۇرىپ قالمايمىن.
- جازدا ەلىمىزگە كورونوۆيرۋس قاۋپى تونگەن كەزدە ەرىكتى تۇردە ينفەكتسيالىق اۋرۋحاناعا ۋاقىتشا سانيتار بولىپ ورنالاسقان ەكەنسىز.جالپى ءبىر ەميردىڭ عانا ەمەس، بىرنەشە ناۋقاستىڭ دا العىسىن العان ەكەنسىز عوي. سونىمەن بىرگە باتىس قازاقستان ۋنيۆەرسيتەتىنىڭ ونەر فاكۋلتەتىندە حورەوگراف ماماندىعىندا وقيسىز. جۇمىس پەن جاقسىلىق جاساۋدى، وقۋدى قاتار الىپ ءجۇرۋ قيىن بولمادى ما؟
- ادام قالاپ تۇرسا، بارلىعىن دا جاساي الادى. تەك نيەت وڭىنان بولۋ كەرەك دەپ ويلايمىن. ارينە وقۋ مەن جاتتىعۋدى قاتار الىپ جۇرۋگە ۋاقىت بولمايدى. كەيدە كۇندەلىكتى قوناقۇي مەن جۇمىس اراسىنان وزگە ەشقايدا بۇرىلمايمىن. اتقاراتىن اۋىر جۇمىستارىم كوپ.
سۇراعىڭدى قاي جاعىنان الىپ قاراسام دا ايتار جاۋابىم ءبىر. مەنىڭ قاۋىرت،اۋىر كۇندەرىمە قاراعاندا پاندەميا شاعىنداعى ناۋقاستاردىكى ودان دا اۋىر ەدى. ولار ءومىر مەن ءولىم اراسىندا جاتقان ەدى. بۇرىننان جۇمىس جاساعان مەديتسينا قىزمەتكەرلەرى شىداي الماي جۇمىستان شىعىپ جاتقاندارى دا بولدى. بىراق مەن بەرىلمەدىم. بىلەسىز بە قازىرگى حالىق ءبىر بەتپەردە تاققانعا قىلعىنىپ، شارشاپ جاتىر.
ال ءبىز ول ۋاقىتتا ماسكادان بولەك، قورعانىش كيىمدەرىن قاپتاپ كيدىك. ءتىپتى مويىنىمىزداعى اشىق جەرلەردى تۇمشالاپ، سكوتچتاۋعا تۋرا كەلدى. ودان كەيىنگى ىستىقشش تۋرا «توزاقتىڭ ىستىعى» سەكىلدى.
مەنىڭ ەڭ قاتتى قورىققانىم، «كوز الدىمدا ادام ءولىپ كەشپەسە ەكەن» - دەگەن ۋايىم بولدى. ەندى تىلەيتىنىم، ءدۇيىم دۇنيەنى ءدۇر سىلكىندىرگەن ىندەت ورشىمەسە ەكەن. ودان حالىق زارداپ شەكپەسە، پايدا كورمەسى انىق. مول ءۇشىن ۆاكتسينا الىپ، دەنساۋلىقتى كۇتكەنىمىز ءلازىم.
- ءسىزدىڭ ەرەن ەڭبەگىڭىز بەن مەيىرىمدىلىگىڭىز تالايدى تاڭداي قاقتىرىپ وتىر. ءسىز سەكىلدى بولاتتاي ءتوزىمدى اعا بۋىننان ۇلگى الاتىن كىشى بۋىندى دايارلاپ، «ەرىكتىلىككە» ەلىكتىرۋ ءۇشىن قانداي قادامدار جاساۋ كەرەك دەپ ويلايسىز؟
- ەرىكتىلىك – جاستاردىڭ ءوز بەلسەندىلىگىن كورسەتىپ قانا قويماي، ادامدارعا كومەك بەرىپ، تاجىريبە جيناۋعا، ومىرلىك ماڭىزدى داعدىلاردى دامىتىپ، الەمدى جاڭا قىرىنان كورۋگە مۇمكىندىك بەرەتىن بىردەن-ءبىر سالا.
بۇل جۇمىس شەتەلدەردە وتە قارقىندى دامىعان. الايدا، ەلىمىز دە قالىس قالماق ەمەس. بىلتىر 2020 جىلدى پرەزيدەنتىمىز قاسىم-جومارت توقاەۆ «ەرىكتىلەر جىلى» دەپ بەكىتتى.
سونىڭ ارقاسىندا ەلىمىزدە ەلەۋلى مىندەتتەمەلەر كوپتەپ اتقارىلدى. ونىڭ ءبىرازىنىڭ باسى قاسىندا ءوزىم دە بولدىم.
مەنىڭ ويىمشا، بيلىكتەن قولداۋ كورسەتىلگەننەن كەيىن ءتۇرلى تەلە ارنالاردان دا ءجيى باعدارلامالار ارنالۋ كەرەك. سوندا كەيىنگى تولقىن ونىڭ قانشالىقتى قۇندى، قاجەتتى سالا ەكەندىگىن تۇسىنەدى.
- اعا، ءسىزدىڭ سوزدەرىڭىزدەن كەيىن مەن دە ءبىراز تەبىرەنىپ وتىرمىن. سۇقبات الماس بۇرىن دەرەككوزدەردەن ءسىز تۋرالى ىزدەنگەنىمدە جاساعان جاقسىلىقتارىڭىزدىڭ لەگى مونشاقتاي ءتىزىلىپ شىقتى. بۇل ونىڭ سوڭى ەمەس دەپ ويلايمىن. ءسىزدىڭ كورسەتەر شىڭىڭىز بيىك مۇناردا ەكەندىگىندە كۇمانىم جوق. ارتىڭىزدان ەرەر «ەرىكتىلەردىڭ» ەڭگەزەردەي بولارىنا سەنىمىم زور. سىزدەي مارت ازاماتتار كوپ بولعاي، امان بولىڭىز! ۋاقىتىڭىزدىڭ تىعىز بولعاندىعىنا قاراماستان، سۇقباتتاسۋعا كەلىسكەنىڭىزگە راقمەت!
ءىنجۋ ومىرزاق،
”ادىرنا” ۇلتتىق پورتالى
