Batys Qazaqstan oblysyna belgılı Sernık Mukaşev – öŋırımızdıŋ abyroily azamaty, eŋbekqor erıktı. Öresı biık, ör tūlǧaly jannyŋ eren erlıgı – barşa Qazaq dalasy üşın erekşe abyroi.
Jaqynda Aqsai qalasynyŋ tūrǧyny, kışkentai büldırşın – Emirdıŋ emıne qarajat jinalǧan edı. Jas erıktı eleulı eŋbegımen özıne üi aluǧa jinaǧan million qarajatyn oilanbastan audarǧan bolatyn.
Aita keteiık, Emir esımdı büldırşınge jūlyn būlşyqetınıŋ atrofiiasy degen diagnoz qoiylǧan edı. Otandyq medisina ondaidy emdeuge qauqarsyz. Sondyqtan şetel asyp, şipa ızdeuge 1 mlrd teŋge kerek boldy.
Serık Mukaşev:
«Jomarttyq – qolmen emes, jürekpen jasalatyn erekşe eŋbek»
- Jastaiyŋyzdan eŋbekke beiım östıŋız. Erıktı türde «erıktı» atandyŋyz. Erıktı boludan ne üirendıŋız?
- Menıŋ ömırım tua sala baqyt pen şattyqtyŋ qūşaǧynda ötpedı. Balalar üiınde östım. Sondyqtan eŋbektenudı jastaiymnan boiyma sıŋırıp östım. Erıktı bolu üşın mındettı türde bai nemese tanymal boludyŋ qajetı joq. Bastysy jürektegı jylu men köŋıldegı körkem mınez joǧalmauy kerek. Maǧan erıktı bolu eŋ äuelı tännıŋ qanşalyqty tūŋǧiyq, taza bolu kerektıgın üirettı.
- Jürektegı jylu degennen şyǧady.Emirge jasaǧan jaqsylyǧyŋyz älı künge deiın köptıŋ auzynda jür. Sız sekıldı jomart jürektıŋ iesı atanu üşın adam boiynda qandai «ömırlık daǧdy» boluy kerek?
- Jinaǧan aqşamdy Emirdıŋ emıne beremın degende qarsylyq bıldırgender köp boldy. «Sen älı jassyŋ. Köterılmedıŋ. Ondai aqşa beru ügın käsıpker, bai bolu kereksıŋ» - dep aitqandar köp boldy.
Men älı jaspyn. Özımnıŋ qoiǧan maqsatyma jetemın. Päter alamyn desem, demek, alamyn. Jūiysym bar, denım sau, qūdaiǧa şükır. Bärı alda. Taǧy da qaitalaimyn. Jaqsylyq pen jomarttyq jasau üşın keŋ peiıl men şynaiy jürek jetkılıktı.
Men balalar üiınen şyqqandardy üi kezegıne tūruǧa kömektesıp jürmın. Älı türlı jabdyqtar alyp beru josparymda bar. Qolymnan kelgenşe bır orynda tūryp qalmaimyn.
- Jazda elımızge koronovirus qaupı töngen kezde erıktı türde infeksiialyq auruhanaǧa uaqytşa sanitar bolyp ornalasqan ekensız.Jalpy bır Emirdıŋ ǧana emes, bırneşe nauqastyŋ da alǧysyn alǧan ekensız ǧoi. Sonymen bırge Batys Qazaqstan universitetınıŋ öner fakultetınde horeograf mamandyǧynda oqisyz. Jūmys pen jaqsylyq jasaudy, oqudy qatar alyp jüru qiyn bolmady ma? - Adam qalap tūrsa, barlyǧyn da jasai alady. Tek niet oŋynan bolu kerek dep oilaimyn. Ärine oqu men jattyǧudy qatar alyp jüruge uaqyt bolmaidy. Keide kündelıktı qonaqüi men jūmys arasynan özge eşqaida būrylmaimyn. Atqaratyn auyr jūmystarym köp. Sūraǧyŋdy qai jaǧynan alyp qarasam da aitar jauabym bır. Menıŋ qauyrt,auyr künderıme qaraǧanda pandemiia şaǧyndaǧy nauqastardyky odan da auyr edı. Olar ömır men ölım arasynda jatqan edı. Būrynnan jūmys jasaǧan medisina qyzmetkerlerı şydai almai jūmystan şyǧyp jatqandary da boldy. Bıraq men berılmedım. Bılesız be qazırgı halyq bır betperde taqqanǧa qylǧynyp, şarşap jatyr. Al bız ol uaqytta maskadan bölek, qorǧanyş kiımderın qaptap kidık. Tıptı moiynymyzdaǧy aşyq jerlerdı tūmşalap, skotchtauǧa tura keldı. Odan keiıngı ystyqş tura «tozaqtyŋ ystyǧy» sekıldı. Menıŋ eŋ qatty qoryqqanym, «köz aldymda adam ölıp keşpese eken» - degen uaiym boldy. Endı tıleitınım, düiım dünienı dür sılkındırgen ındet örşımese eken. Odan halyq zardap şekpese, paida körmesı anyq. Mol üşın vaksina alyp, densaulyqty kütkenımız läzım. - Sızdıŋ eren eŋbegıŋız ben meiırımdılıgıŋız talaidy taŋdai qaqtyryp otyr. Sız sekıldı bolattai tözımdı aǧa buynnan ülgı alatyn kışı buyndy daiarlap, «erıktılıkke» elıktıru üşın qandai qadamdar jasau kerek dep oilaisyz? - Erıktılık – jastardyŋ öz belsendılıgın körsetıp qana qoimai, adamdarǧa kömek berıp, täjıribe jinauǧa, ömırlık maŋyzdy daǧdylardy damytyp, älemdı jaŋa qyrynan köruge mümkındık beretın bırden-bır sala. Būl jūmys şetelderde öte qarqyndy damyǧan. Alaida, elımız de qalys qalmaq emes. Byltyr 2020 jyldy prezidentımız Qasym-Jomart Toqaev «Erıktıler jyly» dep bekıttı. Sonyŋ arqasynda elımızde eleulı mındettemeler köptep atqaryldy. Onyŋ bırazynyŋ basy qasynda özım de boldym. Menıŋ oiymşa, bilıkten qoldau körsetılgennen keiın türlı tele arnalardan da jiı baǧdarlamalar arnalu kerek. Sonda keiıngı tolqyn onyŋ qanşalyqty qūndy, qajettı sala ekendıgın tüsınedı. - Aǧa, sızdıŋ sözderıŋızden keiın men de bıraz tebırenıp otyrmyn. Sūqbat almas būryn derekközderden sız turaly ızdengenımde jasaǧan jaqsylyqtaryŋyzdyŋ legı monşaqtai tızılıp şyqty. Būl onyŋ soŋy emes dep oilaimyn. Sızdıŋ körseter şyŋyŋyz biık mūnarda ekendıgınde kümänım joq. Artyŋyzdan erer «erıktılerdıŋ» eŋgezerdei bolaryna senımım zor. Sızdei märt azamattar köp bolǧai, aman bolyŋyz! Uaqytyŋyzdyŋ tyǧyz bolǧandyǧyna qaramastan, sūqbattasuǧa kelıskenıŋızge raqmet!Inju ÖMIRZAQ,
”Adyrna” ūlttyq portaly
Ūqsas jaŋalyqtar
