شىعىس قازاقستاندا ايەلىن قۇتقارۋ ءۇشىن سۋعا كىرگەن ەر ادام ونىمەن بىرگە باتىپ كەتتى، دەپ حابارلايدى “ادىرنا” ۇلتتىق پورتالى sputniknews.kz سايتىنا سىلتەمە جاساپ.
تراگەديا 27 شىلدەدە سامار اۋىلى ماڭىندا بۇقتىرما سۋ قويماسىنىڭ جاعالاۋىندا بولدى.
كۋاگەرلەردىڭ ايتۋىنشا، 1978 جىلعى ايەل جاعادان الىس كەتىپ، باتا باستاعان. مۇنى كورگەن 1966 جىلعى كۇيەۋى كومەككە جۇگىرەدى. الايدا ەر ادام ايەلىمەن بىرگە سۋعا باتىپ كەتتى.
وبلىستىڭ توتەنشە جاعدايلار دەپارتامەنتى سۋ قويمالارىندا قاۋىپسىزدىك شارالارىن ساقتاۋعا شاقىردى:
- شومىلۋ ءۇشىن قاۋىپسىز ورىندى تاڭداڭىز;
- ارنايى جابدىقتالماعان بەيمالىم جەرلەردە ەشقاشان سۋعا تۇسپەڭىز;
- جاعادان الىس كەتپەڭىز;
- ۇرلەمەلى قايىققا وتىرعاندا اباي بولىڭىز، جەل نەمەسە وزەن اعىسى ونى جاعادان الىسقا اكەتىپ، تولقىننىڭ استىندا قالۋى مۇمكىن.
- قاتتى جەل بولعان كۇنى قايىققا مىنبەڭىز.
قۇتقارۋشىلار توتەنشە جاعداي كەزىندە 112 نومىرىنە حابارلاسۋ كەرەك ەكەنىن ەسكە سالدى.
“ادىرنا” ۇلتتىق پورتالى
