23 شىلدەدە استانا ۋاقىتىمەن 15:37-دە قر توتەنشە جاعدايلار مينيسترلىگىنە قاراستى «سەيسمولوگيالىق زەرتتەۋ ينستيتۋتى» جشس-ءنىڭ سەيسميكالىق ستانتسيالار جەلىسى جەر سىلكىنىسىن تىركەدى، دەپ حابارلايدى "ادىرنا" ۇلتتىق پورتالى.
جەراستى ءدۇمپۋىنىڭ ەپيتسەنترى الماتى قالاسىنان سولتۇستىك-شىعىسقا قاراي 793 شاقىرىم قاشىقتىقتا ورنالاسقان.
سەيسميكالىق بەلسەندىلىك اباي مەن شىعىس قازاقستان وبلىستارىنىڭ بىرقاتار ەلدى مەكەندەرىندە سەزىلدى. اتاپ ايتقاندا، 4 باللعا دەيىنگى دۇمپۋلەر تومەندەگى ەلدى مەكەندەردە بايقالعان:
اباي وبلىسى: كوكپەكتى، قالباتاۋ، اقسۋات، اياگوز، سەمەي، ءۇرجار، جولامان، ماقانشى، قارااۋىل، بەسقاراعاي، بورودۋليحا اۋىلدارى;
شىعىس قازاقستان وبلىسى: سامار، قاسىم قايسەنوۆ كەنتى، وسكەمەن، گلۋبوكوە، كۇرشىم، التاي (زىريان), ريددەر (لەنينوگورسك), ۇلكەن نارىن، شەمونايحا، اقجار، كاتونقاراعاي، بۋران، مارقاكول، زايسان ەلدى مەكەندەرى.
جەر سىلكىنىسىنىڭ كۇشى كەيبىر جەرلەردە 4 باللعا دەيىن جەتكەنىمەن، قازىرگى تاڭدا زارداپ شەككەندەر مەن قيراۋلار تۋرالى رەسمي اقپارات تىركەلگەن جوق.
