Shyǵys Qazaqstanda áıelin qutqarý úshin sýǵa kirgen er adam onymen birge batyp ketti, dep habarlaıdy “Adyrna” ulttyq portaly sputniknews.kz saıtyna silteme jasap.
Tragedııa 27 shildede Samar aýyly mańynda Buqtyrma sý qoımasynyń jaǵalaýynda boldy.
Kýágerlerdiń aıtýynsha, 1978 jylǵy áıel jaǵadan alys ketip, bata bastaǵan. Muny kórgen 1966 jylǵy kúıeýi kómekke júgiredi. Alaıda er adam áıelimen birge sýǵa batyp ketti.
Oblystyń tótenshe jaǵdaılar departamenti sý qoımalarynda qaýipsizdik sharalaryn saqtaýǵa shaqyrdy:
- shomylý úshin qaýipsiz oryndy tańdańyz;
- arnaıy jabdyqtalmaǵan beımálim jerlerde eshqashan sýǵa túspeńiz;
- jaǵadan alys ketpeńiz;
- úrlemeli qaıyqqa otyrǵanda abaı bolyńyz, jel nemese ózen aǵysy ony jaǵadan alysqa áketip, tolqynnyń astynda qalýy múmkin.
- qatty jel bolǵan kúni qaıyqqa minbeńiz.
Qutqarýshylar tótenshe jaǵdaı kezinde 112 nómirine habarlasý kerek ekenin eske saldy.
“Adyrna” ulttyq portaly
