8 ناۋرىزدا استانا ۋاقىتىمەن 08:29-دا قر توتەنشە جاعدايلار مينيسترلىگىنە قاراستى «سەيسمولوگيالىق زەرتتەۋ ينستيتۋتى» جشس سەيسميكالىق ستانتسيالار جەلىسى جەر سىلكىنىسىن تىركەدى، دەپ حابارلايدى "ادىرنا" ۇلتتىق پورتالى.
ۆەدومستۆونىڭ مالىمەتىنشە، ءزىلزالانىڭ ەپيتسەنترى قازاقستان اۋماعىندا، شىعىس قازاقستان وبلىسى، زايسان قالاسىنان 48 شاقىرىم قاشىقتىقتا، تاۋلى ايماقتا ورنالاسقان. جەر سىلكىنىسىنىڭ كۇشى زايسان اۋدانىندا 2 باللدى قۇراعان.
قازىرگى تاڭدا زارداپ شەككەندەر مەن قيراۋلار تۋرالى اقپارات تۇسكەن جوق. توتەنشە جاعدايلار قىزمەتى جاعدايدى باقىلاۋدا ۇستاپ وتىر.
ايتا كەتەيىك، بۇعان دەيىن ەلىمىزدىڭ بىرقاتار وڭىرىندە اۋا ساپاسىنىڭ ناشارلاۋى مۇمكىن ەكەندىگى تۋرالى ەسكەرتۋ جاسالعان بولاتىن.
