شىعىس قازاقستان سويا مەن جۇگەرىنى قىتايعا ەكسپورتتايدى

2359
Adyrna.kz Telegram

وڭىردە وندىرىلەتىن ەكولوگيالىق تازا ونىمدەر ەلىمىزدە عانا ەمەس، شەتەلدە دە ۇلكەن سۇرانىسقا يە. بۇل تۋرالى قر ورتالىق كوممۋنيكاتسيالار قىزمەتىندە وتكەن بريفينگتە شقو اكىمى دانيال احمەتوۆ ءمالىم ەتتى. شىعىس قازاقستاننىڭ اگروونەركاسىپتىك كەشەنىندە نەگىزگى باسىمدىق مال شارۋاشىلىعىنا بەرىلىپ وتىر. بۇل رەسپۋبليكاداعى اۋىل شارۋاشىلىعى كورسەتكىشىنىڭ 62,3% قۇرايتىنىن اتاپ وتكەن ورىندى. سونداي-اق ءبىزدىڭ وبلىس رەسپۋبليكا كولەمىندە بال، پانتى مەن كۇنباعىس مايىن ءوندىرۋ بويىنشا 1-ورىن، ەت ءوندىرۋ بويىنشا 2 ورىندى يەلەنىپ وتىر. اگروونەركاسىپتىك كەشەندە وسىمدىك شارۋاشىلىعىن ەكسپورتتاۋعا باسىمدىق بەرىلۋدە. ەڭ الدىمەن، سويانى شەتەلگە شىعارۋ ءىسى جاقسى جولعا قويىلعان. ساراپشىلار قىتاي حالىق رەسپۋبليكاسىنداعى نارىقتا سويانىڭ تونناسىن 97 ملن تەڭگەگە (60 ملرد اقش دوللارى) باعالاناتىنىن ايتىپ وتىر. ونداعى سويانىڭ ءوندىرىس كولەمى جەتكىلىكسىز. ال شىعىس قازاقستان قحر-مەن شەكارالاسىپ جاتقاندىقتان سويانى ەكسپورتتاۋعا مۇمكىندىك الىپ وتىر. بۇگىندە ءبىزدىڭ وڭىردە سويا ءوندىرىسىنىڭ كولەمىن ارتتىرىپ، ەكسپورتتى ۇلعايتۋ جۇمىستارى جۇرگىزىلۋدە. بۇدان بولەك جۇگەرىنى وسىرۋگە دە باسا نازار اۋدارىلۋدا. 2016 جىلعا دەيىن قىتايدا جۇگەرى كوپ ءوسىرىلدى. الايدا 2017 جىلدان باستاپ ءوندىرىس كولەمى تومەندەپ، 12,4 ملن توننانى قۇرادى. قازىرگى كۇنى قىتايدا جۇگەرىگە دەگەن ىشكى سۇرانىس ارتتى. ناتيجەسىندە ءبىزدىڭ تاراپتىڭ وكىلدەرى مەن قىتايلىقتار اراسىندا الىس-بەرىس ارتتى. جىل سايىن قحر-عا 3 ملنعا جۋىق جۇگەرى ەكسپورتتالادى. قىتايدىڭ ىشكى نارىعىنداعى سۇرانىستى وتەۋ ءۇشىن شقو-دا 2020 جىلدان باستاپ 10,2 مىڭ گەكتار جۇگەرى سالىنادى. بۇل 2019 جىلعى كورسەتكىشپەن سالىستىرعاندا 57 پايىزعا جوعارى. ال 2024 جىلى 12,8 مىڭ گەكتار ەگىلەدى (2019 جىلعى كورسەتكىشپەن سالىستىرعاندا ەكى ەسەگە ارتادى). وسىلايشا، جۇگەرىنىڭ جالپى ءونىم كولەمى 32,1 مىڭ توننانى قۇراماق. - ءبىز سويا مەن جۇگەرى كولەمىن ارتتىرۋ ماقساتىندا ارنايى جوسپار قۇردىق. سوعان سايكەس 2024 جىلى ەگىس القابى 4,2 ەسەگە ارتادى. ناتيجەسىندە 6,5-تەن 13 مىڭ گەكتارعا دەيىنگى اۋماقيا ءونىم ەگىلەدى. نەمەسە 5,5-تەن 30 مىڭ تونناعا دەيىن، ەكسپورت كولەمى 10 ەسەگە ارتادى. ال ءونىم 1,5-تەن 15 مىڭ تونناعا دەيىن كوبەيەدى. جالپى سويا مەن جۇگەرى ەگۋ جۇمىستارى وبلىسىمىز ءۇشىن عانا ەمەس، رەسپۋبليكالىق ستراتەگيالىق ماڭىزى بار ەكەنىن اتاپ وتكەن ورىندى. ايماقتا قۇنارلى جەرلەر مەن قاجەتتى قۇرالداردىڭ ءبارى بار، - دەدى دانيال احمەتوۆ.

«ادىرنا» ۇلتتىق پورتالى

پىكىرلەر