قوستاناي قالالىق اۋرۋحاناسىندا جوسپارلى تۇردە اۋرۋحاناعا جاتقىزۋ توقتاتىلدى، دەپ حابارلايدى "ادىرنا" پورتالى.
قوستاناي وبلىسىنىڭ دەنساۋلىق ساقتاۋ باسقارماسىندا اتاپ وتكەندەي، بۇعان مەديتسينالىق مەكەمەگە 280 توسەكتىك ينفەكتسيالىق اۋرۋحانانىڭ، ونىڭ ىشىندە 20 جان ساقتاۋ ءبولىمىنىڭ ورنالاستىرىلۋى سەبەپ بولدى.
"27 شىلدەدە ساعات 14: 00-دەن باستاپ قوستاناي قالالىق اۋرۋحاناسىندا شۇعىل قابىلداۋ (ونىڭ ىشىندە تراۆماتولوگيالىق پۋنكت) جانە جوسپارلانعان ناۋقاستاردى قابىلداۋ توقتاتىلدى. كومەك وبلىستىق اۋرۋحانادا كورسەتىلەدى. قازىرگى ۋاقىتتا ناۋقاستار شىعارىلىپ، قالالىق اۋرۋحانادان وبلىستىق اۋرۋحاناعا اۋىستىرىلۋدا. 28 شىلدەدەن باستاپ دەنساۋلىق ساقتاۋ باسقارماسى باسشىسىنىڭ بۇيرىعىمەن قالالىق اۋرۋحاناعا 280 توسەك-ورىندىق جۇقپالى اۋرۋلار اۋرۋحاناسى، ونىڭ ىشىندە 20 جانساقتاۋ ءبولىمى جاتقىزىلادى" دەيدى قوستاناي وبلىسى دەنساۋلىق ساقتاۋ دەپارتامەنتىنىڭ ءباسپاسوز قىزمەتى.
ەسكە سالا كەتەيىك، 11 شىلدەدە قوستاناي وبلىسى كوروناۆيرۋستىق ينفەكتسيانىڭ تارالۋى بويىنشا «قىزىل» ايماققا كىرگەن بولاتىن.
"ادىرنا" ۇلتتىق پورتالى
